九巴-人渣-min

九巴 班人渣送土共一程

九巴 班管理層,似乎係官威比一切都重要,唔等到3月11日補選就炒咗葉蔚琳,對於想殺一儆百嘅 九巴 化石管理層,梗係覺得自己好威。只不過,呢次班土共就多得你唔少,齋係為葉蔚琳報仇呢個名目出嚟投票,鏟走鄧家彪、鄭泳舜兩個黃色工會嘅友仔,已經好夠。

九巴 管理層官威大過天

罷工係員工嘅基本權利,所以呢次 九巴 擺明犯法,係睇勞工處做唔做嘢,以及職工盟班左膠係唔係仲依然反應遲鈍。對 九巴 管理層嚟講,官威唔緊,乘客安全同工人權利都唔駛理,我覺得 九巴 日後要傾專營權,應該要當佢以往嘅中巴咁做,依家 九巴 班友嘅態度,真係同顏潔齡主政年代嘅中巴有得揮。甚至 九巴 有啲嘢衰過中巴,中巴至少出過李日新,顏成坤對巴士係有堅持, 九巴 係全世界好多供應商聽到呢兩個字都耍手擰頭。好似VDL雙層巴士唔再返香港,Benz唔再俾車底做雙層巴(其實佢得㗎),邊間公司搞到歐洲佬要咁態度,大家估到係邊間喇,對乘客、對供應商、對員工都扯到咁盡,邊個會妥你嘅啫。

跟住鄧家彪呢條友,佢係工聯會,佢作為立法會候選人,一句聲都無幫葉蔚琳出頭,票投范國威幫葉蔚琳出頭,教訓工聯會班仆街已經係一個好好嘅抗議,做同資方蛇鼠一窩嘅黃色工會係應該付出沉重代價,以為有鐵票就可以出賣基層喇。鄭泳舜係民建聯,民建聯同工聯會都係一蚊銀嘅兩面,仲要呢件敗家仔同地產商關係咁密切,呢啲暗地同商人勾結嘅hihi,係應該被人郁嘅,所以九龍西嘅選民,你票投姚松炎唔係支持佢,而係叫鄭泳舜返去仆街兼收工。

你話香港需唔需要集體談判權,以至我都未必完全贊成,但依家可能要,因為香港啲商人仆街,吓吓食到盡,你唔俾工會集體談判權,甚至更大嘅罷工權力,班友係唔會知道死字點寫,我只能講一句,呢個已經係變咗necessary evil,香港太多發財唔立品嘅商家,同南洋或者西方啲傳統家族講發財立品,或者好多大公司根本係一啲員工退休基金集體持有,其實同員工擁有好唔同。依家大家好簡單,為葉蔚琳出啖氣,投張票等土共仆街就得。

發表迴響

你的電子郵件位址並不會被公開。 必要欄位標記為 *