網絡廣告-min

網絡廣告 唔可以養媒體,咁可以點?

網絡廣告 唔可以養媒體,我相信係共識,除非好似我呢啲one man band,都唔可以完全靠廣告維皮,咁如果 網絡廣告 根本養唔到媒體,可以點。屆時可能全世界剩番好似 輔仁媒體 咁靠維穩費維持嘅媒體,呢個並唔係一個合理嘅做法。

網絡廣告 養唔到媒體嘅原因

首先,要探討 網絡廣告 養唔到媒體嘅原因,理論上,Google並唔大咬,Adsense同你七三分帳左右,當然Google嘅帳目唔係完全透明,但比起Facebook叫公道。問題係,人人都可以開個 Adsense 戶口果陣,仲要有一堆抄人嘅Content Farm做寄生蟲,真係寫嘢嘅想有好分頭都難,所以我叫大家訂我YouTube頻道,都係避免我要自己幫YouTube打免費工,但YouTube個政策啱唔啱呢,我覺得有道理,唔係阿茂阿壽都可以分餅仔。

跟住,好多人用Ad-blocker,好多人養成壞習慣,就係睇content以為唔駛俾錢,資訊產生從來唔係免費,除非你立心睇垃圾,依家已經唔叫你俾錢,仲要用Ad-blocker,我有時覺得Ad-blocker果啲作者如果有賺錢,應該分番啲俾 網絡廣告 維生嘅人,佢地係倒緊人米仲以為自己好型。大家唔諗吓,究竟要點維皮至得嘅,唔通堅靠光合作用?

所以我都會向Medium,以及推遲到復活節後至啟用嘅收費會員網站方向走,兼且賣吓嘢幫補吓,但我對Medium收費模式喺香港前途有啲懷疑,都係果句,太多人想做free-rider,並唔係想俾錢,唔想俾錢幾方便都無用。會員網站搞咁耐,都係保安問題,我依家係block得中國IP七七八八,稍後我考慮block部分香港同熱血以及中聯辦相關IP,再做壓力測試至俾出街。特別Wordpress本身做CMS唔錯,但額外加Paywall,其實佢本身並唔係咁成熟,當然我呢個免費版網站,都到咗差唔多時間升級同performance fine tuning,例如換快啲嘅Server嚟提高MySQL查詢速度等等。

但周街都係維穩費嘅垃圾,大家有無諗過點解,諗清楚,就知自己應該做乜。

2 thoughts on “網絡廣告 唔可以養媒體,咁可以點?

發表迴響

你的電子郵件位址並不會被公開。 必要欄位標記為 *