100毛-min

100毛 上市:有得賺 ?

100毛 主板上市傳聞通過,本來我已經無乜興趣討論 100毛 ,只不過作為一個科網人,兼傳媒人,我對 100毛 上市係十分之有保留,我唔多認為喺Facebook亂改運算法,以及Google同Facebook瓜分網上廣告收益嘅情況下, 100毛 係一盤有前景,值得長期投資嘅生意,隨時搞得唔好,就係《財毀會》上榜果啲股嚟,大家用嚟賭佢跌(雖然財毀會成日出現爆升股,完全係黐撚線遊戲嚟)。

100毛 間嘢嘅business model係乜至得

一隻股票值唔值得投資,除咗IPO股價點定,就係要睇佢個business model,當然, 100毛 無聽過要draw天使投資者嘅情況下,都上到市,佢係有啲斤兩嘅,但上到市,都要生存到至得,美國幾多科網公司嘅IPO一做完無耐股價就跌完又跌,甚至執埋,都係果句,你啲錢係點賺番嚟,同埋成個成本結構係點搞,至係成件事嘅箇中關鍵。如果根本個model係好危險嘅話,我係投資者就唔會投資呢啲咁危險嘅股票。

100毛 簡單嚟講,最大嘅收入來源,不外乎幫大公司拍網上廣告,以及自己個網站吸廣告,後者本來就好牙煙,因為 100毛 係高度依賴Facebook嘅傳媒,即係Facebook嘅演算法係可以玩得死佢,我都係怕咗Facebook果個亂改演算法,同埋陳澍條仆街濫用權力嘅行為,我至依家叫大家subscribe我YouTube頻道,真係為咗保住穩定收入,連YouTuber都要做埋㗎喇。我依家都要開拓Twitter、Vero、Telegram,做埋代購都係咁,好似容樂其咁,賣屎忽俾土共維生,我做唔出囉。而幫大公司拍網上廣告,以前仲有迴響,都係果句,Facebook果陣Traffic係正常,依家係一堆Page同你特約轉載都未必有任何效果,依家入飛 100毛 IPO隨時被人攞嚟Good水。

講真,依家堅值錢嘅網站,可能係連登,但連登有無話勁到要上市。特別香港人用Ad-blocker嘅壞習慣,睇內容無俾錢概念嘅,我堅係擔心有無前途。

發表迴響

你的電子郵件位址並不會被公開。 必要欄位標記為 *