楊偉雄-電競

唔該 楊偉雄 咪喺電競度再派膠

楊偉雄 呢位創科局局長,已經經常派膠,派到IT界嘅人都想嘔,財政預算案倒一億入數碼港呢個鹹水海去搞電競,本來已經膠到無朋友, 楊偉雄 仲講到自己掟一億就可以好偉大咁,我完全頂佢唔住,一定要再出嚟寫多篇文插佢。

楊偉雄 知唔知電競嘅真正敵人

楊偉雄 知唔知電競嘅真正敵人,未必係場地,因為香港廠廈搞電競都仲得嘅,依家香港電競嘅真正敵人,首先係勤有功,戲無益嘅儒家思維,以為打機等同敗家,香港家長同教師嘅死板思想至係真正敵人。就算公認推廣電競做得唔錯嘅柯文哲,佢台北市政府以至本人,都好努力推廣電競,但香港電競選手租華固奧之松呢個豪宅做集訓場地,都遭到當地業委會無理阻撓,乜嘢三樓聽到八樓拉櫈聲呢啲白痴嘢都講得出,香港政府有無做過任何嘢同華固奧之松班仆街業主交涉? 楊偉雄 自己本來係台灣人,佢應該有人脈網絡同華固奧之松班業主交涉,但實情係,香港駐台北辦事處,連聲明都無發過,更加唔好講創科局 楊偉雄 班廢柴,所以以為掟一億落鹹水海可以推廣電競,好明顯只係IT界某啲親政府嘅尋租搵食集團嘅昆水所為,對真正扶助業界發展一啲幫助都無。

香港商界,有班黐政府嘅廢人,由自由黨到iProA都好多,乜事都要問政府伸手攞錢攞資助,我想問,政府乜有責任資助你班大帝做生意㗎,喺德國,呢樣嘢係商會自己做番,唔係做政府,好似我依家係IHK Dusseldorf會員(德國有商業登記就要做IHK會員,IHK會費按你公司營業額收),我可以claim張Firmen Ticket,即係公司營業用月費,60蚊歐羅坐足全市果啲,商會應該係用自己力量去幫自己,唔係吓吓問政府攞,仲要你班友攞咗,又有無人Audit吓你班友做緊乜,無囉。所以我喺香港無加入乜嘢香港總商會,簡直係明智決定。香港總商會已經係無咁廢果個,iProA簡直係商會化後都係廢到極點,淪為洪為民搞前海嘅搵食工具,IT界最重要嘅言論自由同資訊自由環境,你班X樣去晒邊。搞電競喎,如果果隻遊戲得罪習大帝, 楊偉雄 又搞唔搞?越諗堅越激氣。

發表迴響

你的電子郵件位址並不會被公開。 必要欄位標記為 *