BNO-FOI-min

五毛想改圖唱衰 BNO

香港有唔少人聲稱為 BNO 請命,但手段十分之奇怪,有讀者俾我睇,聲稱係FOI資料,話即58000本左右有效 BNO ,我對呢個數字好存疑,因為 BNO 有效數目一向喺150000左右,我自己查過FOI嘅資料庫,就知有古怪。

五毛改圖想唱衰 BNO

呢個係讀者提供,網上流傳嘅圖

而原版,係咁,原來條link喺度

BNO-FOI-min
BNO-FOI-min

條五毛,就係用Photoshop改走個1字,喺度玩嘢,所以我想知原圖邊度嚟,呢啲妖言惑眾嘅友仔,係一定要追殺到天腳底。

當然,呢份FOI嘅嘢有唔少insight,但我唔打算喺免費版講,我考慮寫唔寫收費版,因為當中涉及唔少複雜嘅技術細節,我認為要慎重落筆。所以我依家目的只有一個,清理果啲提供不盡不實資料嘅五毛,就係咁多。

當然,158,000人持有有效 BNO ,如果香港人想英國介入香港事務,我認為呢個數字要更多,所以我仍然會鼓勵大家儘早更新 BNO ,而如果信用卡付款有問題,我都係鼓勵大家去七仔買張實體Tap n Go嚟用,呢個係最簡單直接嘅解決方案嚟。所以 Lord Ashdown叫大家更新 BNO ,果個數字背景,其實喺呢份FOI Release度有答案,就係英國需要更多 BNO ,再加埋現有嘅BC,嚟加大喺香港嘅影響力。

五毛嘅動作,梗係同中國有關,一方面習帝登基,想連香港殖民地地名都改埋,擺明想走《中英聯合聲明》五十年不變嘅數,所以仲有人話永續基本法有用,呢啲仆街你當佢係五毛咁打都得,所以我對熱普城班仆街,一直都唔多手軟。另一方面,英國就快有《半年香港報告》,呢份報告應該喺上個月底就出街,但依家搞到三月頭都未出街,應該當中涉及一啲重大嘅內容,特別 Hong Kong Watch係咁出招睇到實,Hong Kong Watch本身又有極強嘅朝野政黨實力支持,咁英國外交部無乜可能hea做。英國唔再可能只係用三言兩語去回應香港問題,如果習近平係一啲誠意都無嘅話,我相信 Hong Kong Watch 嘅建議亦只有付諸實行,所以五毛搞鬼梗有原因。

3 thoughts on “五毛想改圖唱衰 BNO

發表迴響

你的電子郵件位址並不會被公開。 必要欄位標記為 *