代購-VAT-min

華人喺歐洲做 代購 真係合法?

我雖然嚟咗德國八個月,但我都係上個月至正式開始喺個Page銷售德國產品,即包括所謂 代購 業務。點解,因為認真要做 代購 ,係要做正式嘅商業登記,VAT ID 登記呢啲手續,唔係好以一般華人咁諗,可以阿水都可以做 代購 。

代購 都係一盤生意

基本上,任何零售,就算出口去Non-EU免VAT嘅零售,都要向稅務部門申報,而要申報一定要有德國VAT ID,呢點我係十分之清楚。而大部分持學生簽證嘅Non-EU華人,都唔會有可以做生意嘅Work Permit,所以基本上,一個無商業登記嘅人喺德國搞生意,等同從事違反逗留條件嘅行為,呢點係十分之清楚。相反,EU公民,可以直接向市政府申請商業登記,然後再完成稅務部門嘅問卷,就會有聯邦政府發出嘅 VAT ID,做到呢一步,至可以正式做 代購 生意。如果私底下幫朋友做,無商業登記仲話可以搏懵,如果係賣到上淘寶,或者喺網站公開招攬生意,甚至出口嘅量係有番一定金額,例如郵寄要用CN23表格,甚至正式報關,唔該攞個VAT ID先。

所以喺德國,啲中國留學生搞 代購 買鬼晒啲奶粉,結果就係被人遣返中國,因為呢種嘢係唔做得就係唔做得,而一個人喺歐盟,用EU身份,定用Non-EU身份係兩回事嚟,因為EU身份好多嘢等同當地國民,而唔係EU身份,你好多嘢你唔當係自己人,就係咁清楚。當然,我講明,我唔會幫中國嚟嘅人 代購 任何奶粉,你班友買晒德國藥妝店啲奶粉,十分之過份,你班友應該向自己嘅政府要求搞掂三聚氰胺問題,而唔係以為自己財大氣粗買鬼晒人地啲奶粉,呢個亦係我寧願倒自己米都要提限奶令嘅原因嚟。所以我對阿茂阿壽都話喺歐洲搞 代購 十分之有保留係有原因,正規做呢家嘢嘅人,係要花唔少時間做paperwork應付官僚,包括喺英國都係。

仲有,我呢度嘅EU VAT ID係DE315133861,所以我可以打正招牌做嘢。如果其他人話做 代購 ,你問佢攞個EU VAT ID,再去http://www.vatcheck.eu check吓係唔係valid先學人講。

(有件五毛話自己可以做英國 代購 ,唔該搵人問問佢個EU VAT ID,我做知佢真身係乜水)

發表迴響

你的電子郵件位址並不會被公開。 必要欄位標記為 *