容樂其

容樂其 投共無下限

我一直都唔明,點解仲有一堆本土派仲以為 容樂其 經營嘅輔仁媒體係本土派網媒,因為 容樂其 嘅作為令我無法對呢個人信任,甚至我block咗佢好一段日子。只不過, 容樂其 出席新界東補選活動,企喺土共果邊,我覺得呢個人,應該視為本土派敵人。

容樂其 知唔知自己做緊乜?

如果依家係補選長毛嘅議席,出嚟果個係長毛啲人,同過往可能同長毛有啲恩怨,呢一點,我勉強可以容忍嘅,只不過佢同陳志豪一齊入境,已經係無恥到極點,陳志豪正係果啲 XX友 五毛群組嘅搞手,呢個人嘅Facebook Account係應該被人舉報到永不超生為止至係。係家新界東補選果一席,係原本梁頌恆果一席,而梁頌恆係以梁天琦影武者身份出戰,你依家 容樂其 自己做緊乜嘢?你以為自己真係做緊焦土政策,唔好意思,依家你係十分之清楚投共,仲要企喺本土派嘅對立面,呢啲友仔係完全無原諒嘅空間,係連輔仁媒體呢間嘢嘅資金來源,我都認為有必要重要估計。

有啲本土派,仲以為 容樂其 係朋友,仲係以前果個 容樂其 ,我可以講唔係,如果你係收緊 容生稿費,或者打緊佢工,你應該諗清楚,你究竟係為乜嘢機構服務,依家好明顯佢仲衰過熱血時報,熱血時報係仆街,只不過果句永續基本法,你一睇就知佢就係冚家鏟,可以完全無視班熱狗,你依家 容樂其 做緊乜,中共滲透本土派嘅第五縱隊呀,收皮喇。如果話呢個人係本土派嘅劉江華,都差唔多。但泛民同中共仲有國家認同上有共同立場,而本土派喺國家認同上,同土共係誓不兩立,所以我極唔明某啲本土派所謂「焦土」立場,你以為自己係俄國,幅員廣大可以任玩焦土政策,有啲本土派我唔知係列寧口中嘅有用的傻瓜,即係 容樂其 呢種,根本係叛徒嚟,幫中共打工。

但今日開始,輔仁媒體係當成點新聞一類嘅土共媒體看待,係一啲合作空間都唔會有,任何人喺我呢度share輔仁媒體嘅嘢,我一直ban人兼當五毛處理,絕不客氣。泛民以往對劉江華一類嘅叛徒太寬容,其實本土派都有同一類問題,對叛徒,係唔可以有任何寬容嘅空間嘅。

發表迴響

你的電子郵件位址並不會被公開。 必要欄位標記為 *