成龍-min-厲害了我的國

成龍 幫中國代言:支爆堅近了

成龍 喺香港十分之乞人憎,呢個唔駛講都知。只不過, 成龍 代言過嘅嘢,通常非死即傷呢樣嘢,香港人普遍都知。而依家 成龍 竟然敢為中共以至中國代言,我睇呢鋪,支爆都好難唔發生, 成龍 呢個人嘅燈力,真係唔係一般人可以預計到。

成龍 堪稱廣告界燈神

成龍 魔咒,呢樣嘢連百度百科都有,所以我相信係全世界網民嘅常識嚟。大家睇吓 成龍 代言過啲乜,同埋相關嘅下場

香港航空:依家海航水緊到無朋友,大家等睇幾時爆鑊甘。
小霸王學習機:代言後五年後執咗
愛多VCD機:老闆坐監,公司執咗
汾煌可樂:公司執咗
VW Caddy:賣咗九百部咁大把,依家得香港差佬用嚟運送文件
霸王洗頭水:被驗到有二噁烷,依家家族內鬥,唔知點收科
思念水餃:被驗出有金黃葡萄球菌,全線下架
中國禁毒形象大使:自己個仔被人拉咗藏毒
卡巴斯基:佢個又要威又要戴頭盔嘅廣告出完,依家美國政府叫人唔好用卡巴斯基,喺北美市場嚴重受挫

都未計過往佢代言過啲日本公司或產品,一樣係雞毛鴨血收場。

所以,依家中央電視台搵 成龍 幫中國代言,如果用陰謀論嚟講,係極度惡毒嘅安排,要將支爆搞成事實不可,呢啲人真係顛覆國家政權喇,所以如果我係習近平,應該要拉晒中央電視台搵 成龍 代言啲茂利,咁有啲希望可以挽救到中國嘅。

仲有一個方法,就係好似格力空調咁,老闆自己炒咗自己去破咒,呢個係暫時唯一有效嘅方法。格力空調由 成龍 代言後,頻頻爆炸(中國製會爆炸,呢個 成龍 自己講嘅),當時格力空調老闆當機立斷,自己炒咗自己,所以天下太平。但依家習近平啱啱至稱帝,甚至成個稱帝過程都未完成,你點叫習近平自己炒咗自己至得㗎,所以,大家可以放心, 成龍 代言呢個魔咒,一定應驗喺中國身上,有可能有啲人以為與天鬥,與人鬥,其樂無窮,以為自己可以夠強擺脫 成龍 嘅強大燈力。香港係一個好怪嘅城市,燈神特別多,又沈振盈、又蕭若元,又 成龍 ,你估咁容易破燈㗎,呢件事我堅係留名食花生,睇中央電視台會唔會停播 成龍 呢套擦鞋嘅主旋律宣傳片嘞,不過我睇,呢件事堅有難度。

發表迴響

你的電子郵件位址並不會被公開。 必要欄位標記為 *