BREXIT 鬧劇-min

BREXIT 呢場鬧劇係時候停咗佢

作為保守黨員,定期收到黨寄嚟嘅動員email好正常。不過首相email叫保守黨員要share佢嘅 BREXIT 演說,我真係share唔落,作為英國人,一個住喺歐洲嘅英國人,我認為 BREXIT 呢場鬧劇應該結束。

BREXIT 係根本實行唔到

喺歷史上,無愛爾蘭共和國總理夠薑話為愛爾蘭國家利益著想,叫Sinn Fein嘅黨員宣誓效忠英女王,真係做英國國會議員,因為成件事違反咗Sinn Fein過去咁多年嘅傳統,無總理夠薑咁講。但依家 BREXIT 搞出hard Irish Border實會出大事,所以愛爾蘭總理史無前例叫Sinn Fein為愛爾蘭利益宣誓做英國國會議員,依家堅係愛爾蘭祖國嘅呼喚,如果Sinn Fein堅係為Irish Border問題,破天荒宣誓效忠英女王,當呢個情況膠到呢個程度,你覺得 BREXIT 仲玩得落去,我已經未計自由行動權利(居歐權)嘅問題,我只係講好簡單嘅問題,就係Irish Border問題,到依家都無任何可行嘅方案。

雖然我係保守黨員,但我對依家堅持 BREXIT 嘅英國國會議員,特別保守黨果六十幾個人係極度不以為然,呢班友一味攞住個公投結果大大聲講,但成件事work唔work,依家佢地都未提一個work嘅方案仲喺度嘈生晒,仲要成個公投係未俾喺海外嘅英國公民,特別歐洲嘅英國公民投票,喺歐洲嘅英國公民,係應該 BREXIT 問題上最有話事權其中一班人,因為佢地喺歐洲生活、甚至佢地生活嘅基礎植根歐洲幾十年,你依家叫佢地連根拔起,但呢班疑歐派到依家都係no solution,所以我見到呢啲人,我只係想講,你班廢老早抖喇,你知唔知個世界係點運作㗎。

無論馬卓安,定貝理雅,都公開呼籲停咗 BREXIT 呢場鬧劇,連工黨果個廢黨魁都轉軚,現實就係, BREXIT 越嚟越明顯係一場實行唔到嘅鬧劇,英國人係要團結一致學習玩歐盟呢個遊戲,喺歐盟框架下謀取英國最大利益,而唔係講乜嘢唔存在嘅take back control之類嘅廢話。

發表迴響

你的電子郵件位址並不會被公開。 必要欄位標記為 *