陳家珮-1

陳家珮 搵果啲中國人係唔係種票黨嚟

我唔知有無人去添馬公園搜集情報,但如果無去都好,最好都搵人搜集 陳家珮 呢個中國移民群嘅所有成員,並且用嚟核對港島區嘅選民登記紀錄,因為我唔排除呢班友,正係中國嚟香港嘅投票部隊,呢啲種票黨係一件都唔可以放過。

陳家珮 愚蠢地暴露種票黨

一直都有傳中國喺1997年後濫發香港永久居民身份證俾一定中共黨員,除咗可以俾佢地可以濫用特區護照出外旅遊,仲有一點,就係關鍵時刻可以南下香港投票,只不過,一直都無足夠證據證明呢班友嘅存在。而中聯辦過往都好小心,唔會俾動員呢啲暗票南下嘅事曝光,大家都知中共嘅單線聯繫呢家嘢保密度去到乜嘢程度,你要搵夠證據捉中國間諜,都要花費唔少功夫,畢竟中共係成功喺蔣介石嘅法西斯政權下生存到嘅一班人。

但呢次搞到用WeChat動員呢班友,但WeChat有幾保安,大家都心照,後門多俾政府,就後門多俾一般人,更何況WeChat中人嘅保密意識係鬆好多,呢個亦係我唔用WeChat嘅一大理由嚟。依家 陳家珮 叫人掃碼入群,咁用QR Code掃入群後,將群裡面啲成員名逐個對,邊啲係五毛,邊啲係種票黨,邊啲做緊黨委一類嘅工作,堅係一目了然,所以,呢次係一次重大搜集情報嘅機會,如果有人俾到群裡面啲人嘅資料,最好都俾我一份副本,應該有可能有所發現。亦反映 陳家珮 以至葉劉淑儀等人,都係一班唔明中共地下組織運作原理嘅蠢才,地下黨其實同大部分犯罪組織都無乜分別,你見過毒販好揚咁喺WeChat走粉未,否則唔會成班毒販依家用Bitcoin或者加密貨幣交易喇。

我相信,日後西方國家情報部門又好,泛民或者獨派嘅情報人員都好,都要有一個WeChat捉鬼小組,專門喺WeChat搜集呢類情報,呢個亦都證明,依家中共嘅水準,簡直去到垃圾級別嚟形容,唔理泛民定獨派,只要做嘢周密啲,小心啲,係有機會贏到呢班中共嘅人,依家中共只係一味靠惡,靠所謂實名制或大數據,但講真,游擊戰術邊可能靠呢啲嘢可以擊破。好多時中共能擊破對家,都係靠人性弱點,但佢地自己都唔記得咗。

發表迴響

你的電子郵件位址並不會被公開。 必要欄位標記為 *