電視台-min

電視台 大混戰嘅歐洲:香港電視緣何不思進取

雖然歐洲都有唔少垃圾 電視台 ,只不過,歐洲啲公共廣播機構,一般都好難不思進取,你睇新聞就知,你覺得BBC已經好好,由ZDF、ARD Das Erste 同ORF德語三雄惡鬥,到 France 2霸氣到爆嘅新聞Intro(我不得不承認,France 20 Heures個Opening同廠景極度霸氣,法國佬掃晒),你其實會明點解香港電視會不思進取。

電視台 喺歐洲係要同鄰國競爭

歐洲一向都有第二個國家嘅電視台訊號射入嚟嘅事,好似東德嘅 電視台 無晒影響力,因為西德電視訊號可以自出自入,而當時蘇聯唔敢玩膠,唔敢干擾西德嘅訊號。歐洲最大商業電視台集團RTL Group,就係靠盧森堡一個國家射晒咁多語系訊號起家。所以,喺歐洲,電視台唔只同你自己國家嘅商業電視台競爭,仲要同鄰國競爭。

而全歐洲電視衛星化或數字化後,就更明顯,雖然好多台都因版權關係,你唔可以收埋鄰國嘅訊號,但有啲你可以買Add-on卡收(例如ORF 1, ORF 2 W),如果你間屋兩隻天線碟,基本上全歐收晒無問題(Astra 1 + Astra 2),本來有啲國家,已經好X多台,好似德國,公共廣播都成十幾個台。你依家可以全歐收晒,如果你識埋鄰國語文,或者好似瑞士、比利時呢啲多語國家,你仲唔大把選擇。一個國家嘅電視台削唔削,好容易有比較,而歐洲大部分公共廣播機構,又多少會收廣告,而歐洲國家買嘅嘢,好多同語系都可以買到同一系列嘅嘢(所以瑞士最過癮,法、德、意三語系嘅嘢你會搵到),仲要部分公共廣播機構,負起國家推廣文化或影響力使命,係故意落重本,例如ORF 2 Europe係例子,所以呢啲惡鬥嘅世界,你只能做得更好,無得懶。因為你係為國家形象而戰。

香港點解有問題,因為依家香港啲台變晒黨嘅台,根本黨唔會俾真正嘅競爭,所以連商業電視台如TVB都俾垃圾你睇,你話會唔會學France 2,搵隊交響樂隊做Intro音樂(呢樣嘢英國無咁喪),所以中國分成n份,如果係良性競爭,其實至會有文明進步。

最後,俾大家睇 France 2 乜叫霸氣

一個傳媒人在歐洲筆記.一

發表迴響

你的電子郵件位址並不會被公開。 必要欄位標記為 *