陳家珮-min

周融幫 陳家珮 喺港島嘅票輸清光

陳家珮 嘅英文係笑話,相信已經係有上網嘅人都知嘅事。其實喺港島呢啲天龍人選區,好心搵個英文好少少嘅人出嚟選,你依家遇上嘅 區諾軒 日文流利,你知香港人幾崇日, 陳家珮 喺天龍人區邊見得人。但周融堅係犀利,明知 陳家珮 英文倒米都要幫佢用英文訪問,你真係懷疑周融保留英國公民身份,係咪有啲不可告人秘密,而呢啲秘密,葉劉淑儀係無乜可能唔知喎。

陳家珮 咁嘅英文唔可能喺港島選

喺新界或九龍,選民都未必介意英文唔得,特別香港呢啲古靈精怪嘅比例代表制,只要攞少少票就可以做議員,分分鐘有啲選民就係鍾意議員英文差,呢點我唔排除,但一定唔係港島呢個天龍人區,否則當初土共就唔會出動程介南、曾鈺成呢啲包裝過嘅左校精英出嚟攻打港島。港島人點都好,係典型嘅天龍人,當初葉劉淑儀嘅賣點,都係一個講英文了得嘅高官,否則葉劉淑儀就唔會成日喺傳媒教人講英文,包裝自己好高級嘅形象。所以 陳家珮 選前就要執好英文,否則喺港島呢班白鴿眼嘅天龍人眼中,只會得個死字,選情係唔可能有任何進展。

依家 陳家珮 嘅問題係,佢無錯,喺澳洲嘅大學畢業,有啲名嘅添,問題係,佢嘅英文會話水平,同佢嘅學歷唔配呢,邊個信佢係外國返嚟。港島人係有名嘅「英文法西斯」,你嘅口音帶少少香港口音都會恥笑你,你唔講Queen’s English(即係英格蘭南部口音嘅英文),或者標準美國紐約嘅英文,都會覺得你英文唔得,依家 陳家珮 一開口呢啲英文,正常嘅天龍人,如果無造票,都會投區諾軒,呢個係正常不過嘅安排。喺港島區,流利日文係有額外得分作用,除咗港島有唔少日本人居住外,大家都知,香港唔少中產階級係崇日,否則點會去日本旅行搞到好似返鄉下咁。 陳家珮 以為DQ咗周庭無事,點知區諾軒啲日文都係勁。

陳家珮 如果諗住靠DQ得米上位,呢啲廢人入到議會都只會不斷出醜,呢啲友仔,講句難聽,正宗係扶不起嘅阿斗,中聯辦扶佢都唔知為啲乜。不過就影響嘅,都係葉劉淑儀,扮晒天龍人代表嘅希師奶竟然要拉呢條咁嘅友上位,呢啲真係對佢嘅最大侮辱。

2 thoughts on “周融幫 陳家珮 喺港島嘅票輸清光

  1. I dislike more members of pro-establishment camp to become LegCo. councillors. Therefore, I will vote for by-election based on a principle ABC, i.e. Anyone But Can’t be member of the pro-establishment camp. Most HK people understand what they did were no good to HK community. I appeal to voters to best use your votes.

發表迴響

你的電子郵件位址並不會被公開。 必要欄位標記為 *