台灣旅行法-min

台灣旅行法 到香港民主人權法案

台灣旅行法 (Taiwan Travel Act),呢條 Marco Rubio 一力主催嘅法律,喺美國參眾兩院都無異議通過,爭侵總統大筆一揮就成為美國法律,香港傳媒都唔敢講呢條法律有幾重要,我可以講,香港香港民主人權法案,都應該好快會過晒參眾兩院。啲五毛,我睇佢地仲可以大口氣幾耐。

台灣旅行法 同香港民主人權法案都係同一系列法案嚟

基本上,《 台灣旅行法 》 同香港民主人權法案,都係美國朝野反制中國嘅法律嚟, 《台灣旅行法》 係對《台灣關係法》嘅重大修訂嚟,容許美國官員同台灣官員緊密接觸,加強台美之間嘅準同盟關係,基本上已經係廢咗部分《中美建交公報》嘅武功。而《香港民主人權法案》就係對《美國-香港關係法》嘅重大修訂,所以都係同一班友仔推呢個法案,亦係十分之正常嘅安排。而共和黨嘅國會議員,基本上做唔少侵總統唔方便出手做嘅嘢, Marco Rubio 尤其係,所以大家可以估到,《香港民主人權法案》應該好快上國會過,屆時你班友慢慢玩。

https://www.congress.gov/bill/115th-congress/senate-bill/417/committees?q=%7B%22search%22%3A%5B%22Hong+Kong+Human+Rights+and+Democracy+Act+of+2017%22%5D%7D&r=2

https://www.congress.gov/bill/115th-congress/house-bill/3856/related-bills

Marco Rubio 喺今年2月16日正式入埋條Bill入Senate,基本上,House係會快過Senate, 台灣旅行法 都係一年貨仔都唔夠就行晒成個國會程序,仲要之前美國已經陷入過一輪關於財政預算嘅大混戰,都過到 台灣旅行法 ,香港民主人權法案大家諗吓喇。所以美國對華政策轉變嘅框架,大致上都做完,依家堅係萬事俱備,只欠東風,否則中共點會攞晒啲第五縱隊五毛做嘢啫。睇呢啲五毛幾時被人趕出西方國家。

2 thoughts on “台灣旅行法 到香港民主人權法案

發表迴響

你的電子郵件位址並不會被公開。 必要欄位標記為 *