考評局-虧蝕-min

政府俾人任報DSE幫 考評局 填氹?

政府突然幫人代繳DSE費,成件事都十分之膠味十足,只不過,更膠嘅事,似乎好多人睇唔到。其實只要睇吓 考評局 嘅年報,就知有乜事發生緊。政府係唔係借幫自修生亂咁報DSE,幫 考評局 陳仲尼條梁粉填氹,呢件事就十分之耐人尋味。

考評局 兩年累蝕2600萬

考評局-虧蝕-min
考評局-虧蝕-min

唔駛睇太多廢話,睇呢張2016年 考評局 年報附錄三財務報告,就知乜事。2015年度,蝕咗六百幾萬,2016年度,蝕咗1900萬,咁2017年度會蝕幾多,大概都係呢條數,而2018年,如果陳仲尼唔好好控制 考評局 嘅成本結構,都係會蝕咁多錢,甚至更多,齋係呢點,就已經係政府要注資嘅理由。問題係,政府無喇喇注資俾 考評局 ,公眾一定要 考評局 交代盤數,搞得唔到就係一場政治大風暴,大家可以睇到梁粉幾辦事不力,連吳克儉條仆街都不如。所以有人諗出條屎橋出嚟,咁樣注資救 考評局 ,其實同啲無厘頭學生飛救海洋公園係一模一樣,因為公眾一問海洋公園盤數政府就會十分之麻煩。

大家留意,海洋公園唔再由盛智文管理後,改由孔令成,生意同盤數就越嚟越難睇,管理亦越嚟越仆街。搵埋港人講地間圈傳媒嘅張瑞蓮做董事,大家睇港人講地果啲垃圾內容,你諗吓海洋公園邊可能搞得好。同樣, 考評局 依家陳仲尼搞成咁,特別依家 考評局 嘅收支同DSE為主嘅收入越嚟越不成正比,究竟發生緊乜事,係唔係要搵個第二個人去管 考評局 改革財政。依家政府係濫用財政儲備同盈餘,用埋公眾啲錢去救梁粉搞出嚟嘅無底洞,呢個公平咩,呢個亦係點解,我寧願港府直接派錢,要報國際認受嘅公開考試,一定有益過走去考DSE喇,而且好可能有班友報完就唔係考,簡直係浪費資源之舉。

如果立法會議員係醒,應該攞 考評局 盤數問政府,究竟依家政府搞緊乜嘢大頭佛出嚟。但依家我睇表面證據,政府好多派錢嘅舉動,其實都係幫啲梁粉填氹,而唔係真心派糖俾香港市民,呢種仆街嘅派糖手法,至係必須追殺嘅問題。呢啲唔叫派糖,而係為咗幫自己友扮派糖,根本係一種腐敗嚟。

發表迴響

你的電子郵件位址並不會被公開。 必要欄位標記為 *