農曆新年-min

農曆新年 就係農曆新年,五毛唔好再製造麻煩

農曆新年 定係中國新年呢個問題,只要仲有五毛喺度,都唔會拗得完。只不過,喺我呢個華裔印尼人後代眼中,你班五毛成棚都係累街坊,不單唔尊重越南、南韓等地民眾,而且亦為南洋華人製造麻煩。我對呢啲五毛,高度憎惡係有理由。

農曆新年 至可以跨族共享

對我呢啲華裔印尼人(根據印尼法律,我有權攞印僑證,雖然係英國人,但我權利同印尼公民大致相同,除咗無得投票), 農曆新年 係絕對唔會搞錯,印尼文係叫Tahun Baru Imlek,唔會係Tahun Baru Cina甚至Tahun Baru Tiongkok都係政治不正確,因為華人作為印尼嘅基本民族成員,根據建國五原則,呢個節日係屬於印尼每一個成員,不分血統宗教,所以係Imlek,即係農曆。有人提呢個新年係Cina或者Tiongkok,一定係搞種族主義。好彩啲五毛仲醒水,知道呢個問題惹上我呢個華裔印尼人一啲都唔好玩,仲要我家鄉係全印尼最聞名彪悍嘅亞齊,為自治權同你中央政府打足三十年內戰果個亞齊,我啲方丈作風,多少都係同我喺印尼嘅家鄉有啲關係嘅。

所以為咗避免無謂爭拗,唔該再唔好提春節、中國新年、Chinese New Year呢啲白痴講法,所謂嘅舊曆年,為咗避免唔同地方華裔人士困擾,一律叫農曆新年,英文叫 Lunar New Year,印尼文叫 Tahun Baru Imlek,而德文叫Mondneujahr,呢啲問題,係無可以搞亂嘅空間。果啲五毛,如果唔知中國過往對南洋政策,唔該佢地食晒周恩來以往所有講話。有啲土共五毛,一提到我講到南洋國籍問題,就話周恩來死咗喇,我睇法係,如果佢地對周恩來政策咁不以為然,唔好認自己係土共,呢啲假愛國人士簡直係欺師滅祖。

我亦請果啲無知嘅中國五毛,唔該睇清楚海外華人一向有自己過節習慣,係無必要因應中國嘅變化而變化,海外華人就係海外華人,中國就係中國,正如我都識講華語嘅,但北京中央電視台口音嘅就唔該佢慳啲,更加唔好講學華語就會學好中文呢啲謬論。中國人果種自大,簡直去到黐咗線而不顧他人嘅地步。

發表迴響

你的電子郵件位址並不會被公開。 必要欄位標記為 *