雙重國籍-min

中國應該結束喺港澳承認 雙重國籍

南華早報報導,中國大使館不單唔會向 雙重國籍 持有人發中國簽證,而且會註銷他們原有嘅中國國籍證件,同唔准入境中國。呢種唔承認 雙重國籍 政策,係我少數同中國政府立場一致嘅政策,呢啲雙重效忠根本係製造問題,而且有損各國利益。

凡持有BNO都不應有中國國籍

點解我無中國國籍,係同1955年中國同印尼簽署 雙重國籍 條約有關,呢個亦係我得英國國籍嘅原因。其實依家喺香港同澳門承認 雙重國籍 ,俾好似周融、謝偉銓呢啲仆街搏懵好唔理想。既然中國認為對香港政策要變,我一直都喺香港經濟日報鼓吹,就係香港結束承認 雙重國籍 政策,西方國家國籍同中國國籍只能揀一個,中國亦唔好迫香港人去硬食你嘅中國國籍,各行各路,呢個係最好嘅做法。

當然,依家中國硬屈BNO大部分有中國國籍,呢個做法好唔理想,而點樣去澄清BNO個 雙重國籍 問題,咁好簡單,只要人大常委解釋,凡於某年某月某日仍然持有有效BNO嘅,及其後代,即唔係中國公民。而果個某年某月某日,就係人大常委釋法果日,即係取消原有人大常委對香港人可以擁有 雙重國籍 嘅特殊國籍解釋,咁樣根據British Nationality Act 1981 Section 4B,持有有效BNO果個人,立即不自願消失中國國籍,就可以變British Citizen。當然,最理想做法,可能係凡曾經持有BNO,除非已經退出,否則都唔係中國公民,咁樣亦係由中國呢邊主動解決BNO平權嘅做法。而成棚人變咗英國公民,亦唔會有中國公民有嘅權利,咁就可以解決所謂效忠問題。呢樣嘢,我不嬲都係咁講嘅,次次我提呢樣嘢,陳勇呀、張志剛呀就顧左而言他。我諗我喺堅持中國國籍法不得有 雙重國籍 呢個問題,比班土共熟書好多,兼且理念清晰好多。

呢個做法,同樣適用於澳門,凡於某年某月某日仍然持有葡國護照,以及其後代,都唔係中國公民,當港澳清理晒啲 雙重國籍 人士,中國強硬就 雙重國籍 人士執法就行得通,亦避免有人利用香港特區身份持 雙重國籍 ,製造法律漏洞。唔知習近平,又會唔會喺呢方面堅係強硬起嚟。

One thought on “中國應該結束喺港澳承認 雙重國籍

發表迴響

你的電子郵件位址並不會被公開。 必要欄位標記為 *