財政預算案-min

財政預算案 變派膠案

財政預算案 由於香港同歐洲時差關係,所以我今年都係醒咗後至知派乜膠,結果堅係好膠,政府又要回應派錢訴求,但查實又唔係真心想派錢,結果變咗派膠,好似免費阿水都考DSE,到派錢俾海洋公園等等,我覺得呢個政府堅係黐X線。

財政預算案 變派膠案

首先, 財政預算案 阿水都代繳DSE考試費,呢個係絕對製造混亂之舉,因為考評局要應付大量嘅自修生搞到成個考試管理得個膠字,大批由七十歲到三十歲嘅自修生去試DSE,唔變硬膠就出奇,雖然以我所知,自修生條Curve同學校考生條Curve係唔同嘅,但好多人有機會係依家報名考,實際考果日無咗影,堅係浪費資源,咁點解唔堅派錢先,想堅考DSE咪考DSE,想考IELTS就考IELTS,如果政府贊助市民去考IELTS,或者歌德學院、法國文化協會果啲歐洲語言試我都覺得仲有少少道理,至少呢家嘢可以促進香港嘅競爭力,依家除咗係派膠,我睇唔到有乜嘢意義,我真係留名睇明年DSE可以有幾混亂,學校考生多得你班豬頭官員唔少。

跟住數碼港搞電競,呢啲係政府好聽唔聽,聽楊全盛一類蠢材講嘅,我作為iProA永久full member,聽到俾數碼港搞電競已經想XYZ,我唔反對搞電競本身,柯文哲本身都係推廣電競得好勁,但唔係派一億落個商場度裝修嘛,電競係要有社會改革,首先好似楊全盛呢啲投機分子唔該fxxk off,香港IT界就係俾楊全盛、洪為民呢啲投機分子搞死嘅。搞電競除咗要消除教育界保守人士嘅敵視態度(儒家乜嘢勤有功,戲無益,叫班教棍食屎喇),仲要係好似data center租金,香港寬頻網絡基建呢啲要有改革,否則你點打得好機至得,個network反應lag到唔lag,你打條春呀,德國搞電競其中一個障礙都係全國果啲VDSL網絡阻住地球轉,所以依家德國政府喺寬頻政策問題上,日日被德國人鏟上天花板(係,堅鏟上天花板,雖然德國嘅VDSL網絡反應上有時仲堅過香港所謂光纖網絡)。

所以我寧願堅派成萬銀俾市民算,依家派膠,呢啲 財政預算案 都係執笠吧。

One thought on “財政預算案 變派膠案

  1. 依家個新制理論上唔係拉curve既。

    雖然我都覺得免費考試好無聊,今年班學生又唔係有咩特別需要免費。但的確要減輕考評局加價壓力,不如乾脆宣佈掟一舊錢畀考評局,換取將來幾年DSE減價或不加價好過,至少幾年既學生都受益。

發表迴響

你的電子郵件位址並不會被公開。 必要欄位標記為 *