第五縱隊

西方國家必須對中共 第五縱隊 採取行動

讀中共黨史有一樣嘢,令我對中國嚟嘅傳媒人有極重防備心,特別係滲透入西方國家傳媒機構果啲中國人,點解我會咁防備,因為中共黨史有樣嘢叫 第五縱隊 ,當年中共都係靠 第五縱隊 滲透而瓦解蔣介石嘅法西斯政權。而近日由衛報到ABC都有所謂華人代表反對西方過廣東式新年文章,就充分反映呢個 第五縱隊 嘅存在,係情報部門必須大規模驅逐呢啲人至搞得掂。

第五縱隊 嘅戰略喺邊度

第五縱隊 呢家嘢,其實係利用人性弱點,可以滲透你嘅子女,好似傅作義就係例子,可以係嫁俾洋人,所謂嘅「中國陰道」,可以利用洋人對東方文明嘅好奇,或者左膠心態,所以依家西方好多傳媒都充斥住呢啲中國走狗。而對中國嚟講,香港人喺海外持有中華文明正義簡直芒刺在背,所以喺衛報先嚟一件,衛報被人打到變蜜蜂竇(我唔明點解衛報唔俾香港人寫番文回應,我對衛報係極有保留),就改到澳洲廣播公司呢啲公共廣播機構。以我所知,BBC中文網以至德廣聯嘅德國之聲,都埋伏唔少呢啲中國人,簡直係西方文明一大威脅。

本來站喺捍衛新聞自由嘅立場,唔應該支持情報部門調查傳媒機構,但依已經好明顯,中共廣植 第五縱隊 喺各大西方傳媒機構,我認為西方政府應該採取強硬行動,包括寧願暫停中文或對華服務,都要大規模驅逐嚟自中國嘅人員,由嚟自台灣、香港或南洋嘅人取代,當然,台灣同香港都有唔少中共奸細,所以係必需對入職嘅人背景詳加審查,依家西方國家傳媒機構對入職者背景缺乏審查,無咗冷戰期間嘅防衛思維,呢啲老好人心態簡直係俾壞人東山再起嘅理由嚟。既然中共已經唔講規矩到呢個程度,西方國家情報機構如果依家都唔採取強硬行動,呢個世界就真係太危險。

澳洲廣播公司係公共廣播機構,唔同衛報呢啲私營機構唔駛問責,呢次Cecily Huang亂講嘢係要有代價,大家可以去呢度投訴到佢爆機為止

http://www.abc.net.au/contact/complain.htm

無獨有偶,Cecily Huang都係英國衛報任職過,MI5係唔係應該派人調查一下衛報?

發表迴響

你的電子郵件位址並不會被公開。 必要欄位標記為 *