蔡鍔-min

連 蔡鍔 都出唔到中國人都係算數吧

講開袁世凱,一定要講 蔡鍔 ,孫中山醫生對護憲無乜貢獻,孫大炮對中華民國體制破壞程度,其實唔會好得過依家習近平好多。但 蔡鍔 夠薑起兵反袁世凱,兼且佢領導嘅反政府部隊以少勝多打贏仗,跟住全國都敢反袁世凱,如果唔係 蔡鍔 早死,呢位日本陸軍士官學校畢業嘅軍官,應該可以為中華民國作出更多嘅貢獻。

連 蔡鍔 都無中國人都係算數吧

喺護國戰爭果陣,中國人叫有得救,雖然當時係軍閥混戰,但當中央政府太唔妥果陣,至少仲有 蔡鍔 呢啲人走出嚟大聲講唔得,所以袁世凱至會被迫停止胡鬧舉動,但依家究竟有乜人去反習近平。如果習近平咁樣做都無人夠薑起兵反對嘅,咁係唔係代表今時今日嘅中國人比軍閥年代嘅中國人更無用,咁中國人要接受一個無帝制之名,有帝制之實嘅帝制,呢個係抵死嘅喎。連基本上嘅反抗都無,只得零星一兩個有種嘅人,好似前《中國青年報》記者李大同敢公開反抗,仲要無槍嘅,你覺得呢啲人有乜用。

對於香港所謂大中華膠政黨,我更加吾不欲觀之,我未見過梁國雄有衝出去中聯辦抗議過,依家係衰過一黨專政嘅帝制,你班友都消失,係唔係因為你們接受咗現實,唔怪得香港人當晒你班大中華膠政客係周末革命黨喇。理論上,我係親英派,或者獨派,但如果寫反對習近平嘅帝制,我寫得仲多,我真係覺得,你依家香港班所謂大中華膠係乜嘢嚟嘅,係唔係一班扮做中國反對派,只係為咗維護中國喺香港管治嘅維穩派。當然,支聯會呢鋪又係唔知去咗邊,呢件事係支聯會基本職責嚟㗎。所以, 蔡鍔 邊度都出唔到,中國人deserve一個「皇帝」。

至於點解我攞劉松仁張相,無他,如果要方便你向果啲睇開CCTVB嘅長輩,講清楚事情嚴重性,最好講一次劉松仁,佢喺2009年扮 蔡鍔 將軍,咁樣會易於理解,雖然香港啲老人家,睇CCTVB果啲,唔死都無用,但死馬當活馬醫喇。如果有長者話反習近平唔啱呀,你可以潤呢啲老人家,當年 蔡鍔 打嘅護國戰爭白打了,叫CCTVB唔好再播乜嘢《 蔡鍔 與小鳳仙》,雖然劉松仁演 蔡鍔 太老, 蔡鍔 做賭撚出嚟反袁世凱果陣,仲係三十幾歲人咋。

發表迴響

你的電子郵件位址並不會被公開。 必要欄位標記為 *