習近平-凱撤-min

你堅當 習近平 係凱撤?時聞香港班友弱智㗎

習近平 被叫做Kaiser Xi,或者奧古斯都習,呢個係迴避中國嘅關鍵字封鎖用,同埋用嚟用去寸 習近平 係袁世凱實在太悶棍,而德文皇帝就係用Kaiser呢個字(同羅馬帝國有關),但依家時聞香港班弱智五毛,堅係叫 習近平 係凱撤,我唔知你班友識唔識曲直。

習近平 叫做凱撤都唔會係好嘢

雖然自凱撤以嚟,德、俄等國凡皇帝皆稱凱撤,但皇帝呢樣嘢係唔係好嘢,就一定唔慌係,否則西方都唔會重返民主政制,自凱撤以嚟,西方歷史都係為爭奪帝位或王位你殺我,我殺你嘅情況,反而近代西方改行民主體制後,就少好多呢啲為爭權奪位殺嚟殺去嘅狀況。所以我叫 習近平 係奧古斯都或者凱撤,其實都係寸 習近平 做袁世凱果個意思,你條友係玩緊倒退係好明顯。

而時聞香港成件事最弱智係,歐洲用Kaiser代表皇帝呢個意思,因為凱撤,屋大維嘅官方頭銜係終身獨裁官,而唔係皇帝,正如大英帝國,但英國除咗喺勳章上自稱帝國外(British Empire),英女王係未曾稱帝,英國國君有皇帝之名係1876兼任為印度皇帝,英國國君嘅皇帝之名係嚟自印度,而唔係英國本身。喺西方,稱唔稱帝,唔駛用上個皇字或帝字,只要你實質權力上不受節制一如凱撤,即為皇帝,而其體制即為帝國。正如希特拉自封嘅頭銜Führer und Reichskanzler,都係元首及帝國總理,但代唔代表納粹德國唔係一個Reich,梗係唔係,儘管威瑪共和政體,未曾改名,但Ermächtigungsgesetz(授權法案)一通過,希特拉權力就有如皇帝一樣不受限制,所以納粹德國叫德意志第三帝國,道理亦係呢度。依家時聞香港班白痴,正正自己證實咗 習近平 嘅稱帝意圖,仲好似肉麻當有趣一樣, 習近平 如果對西史有少少認知,都應該立即搵人搵洗頭艇捉咗劉迺強條仆街,然後斬佢個頭落嚟慢慢洗。

由呢度,香港呢班土共係一班乜嘢人,其實大家都清楚,不學無術,肉麻當有趣,被人寸都唔知,所以 習近平 唔該稱帝稱得徹底啲,叫晒班土共自宮晒佢好過喇,恢復「大清帝國嘅光輝日子」。

發表迴響

你的電子郵件位址並不會被公開。 必要欄位標記為 *