奧古斯都-習近平-min

奧古斯都 習近平

習近平 恢復終身制後,騰訊wechat多咗一堆禁字,特別係袁世凱,我明嘅,袁世凱果次稱帝太膠,所以我估乜嘢籌安會,籌安六君子等全部變禁字,袁世凱稱帝失敗不久就激死咗, 習近平 都唔想咁膠,你話 習近平 係袁世凱堅係詛咒佢。

奧古斯都 習近平

習近平 恢復終身制,篇稿都係英文出先,中文出後啲,可見得 習近平 係想西方高端皇帝,而係中國啲低端皇帝,攞佢同袁世凱比,堅係唔慌唔低端。而且西方有兼任皇帝同共和元首嘅先例,好似屋大維咪係敢,果陣羅馬仲係名義上叫羅馬共和國,只不過有共和之名行帝國之實,所以,可以見叫佢做 Kaiser Xi, Augustus Xi,睇吓微博有無反應,我相信微博唔會有反應, 習近平 隨時會龍心大心悦,但如果你喺德國,就用 Kaiser, Augustus呢堆字好,唔好用Führer呢個字,大家都知呢個字係指邊個仆街,雖然所謂一個中國原則,根本係Ein Volk, Ein Reich, Ein Führer果啲仆街邏輯嚟,乜中國人唔知自己都好納粹果味嘢嘅咩?

甚至用 奧古斯都 習近平 呢個名,陳日君唔駛擔心教廷同中國建交嘅問題,教廷班擦中國鞋嘅友仔,咁鍾意擦習大帝嘅鞋,就不如叫教廷封 習近平 係羅馬人嘅皇帝(Romanorum Imperator Augustus),屆時點只建交添, 習近平 無喇喇做咗羅馬人嘅皇帝,呢樣嘢,連希特拉吹到自己咁勁,都做唔到教廷封多個頭銜俾佢喇,不過可能普京會同 習近平 死過,因為俄文沙皇(Tsar,царь)呢個字,都係凱撤嚟,因為東正教嘅俄國,一直都自認係東羅馬帝國嘅傳人嚟,所以 習近平 無喇喇多咗個奧古斯都頭銜,普京好可能有意見㗎,普京一直都好標榜自己係好虔誠嘅東正教教徒嚟,你依家同俄國佬爭羅馬正統,幾時到你 習近平 呢個包子,你依家玩巴伐利亞中國狂歡節咩。以 習近平 咁作賊心虛,我相信奧古斯都,羅馬呢堆變晒禁字,中國同羅馬教廷都有一段時間唔駛建交住,費時大家另有聯想喇。

再唔得,我俾埋個五毛一定high爆,天皇 習近平 或者日照大神習近平,日本帝國都征服埋,幾好。

發表迴響

你的電子郵件位址並不會被公開。 必要欄位標記為 *