川貝枇杷膏-min

川貝枇杷膏 突然走紅唔係呃鬼佬

川貝枇杷膏 呢種喺香港人眼中只係糖水嘅物體,突然喺美國爆紅,仲有人炒添,香港人好多人都嘖嘖稱奇,喺度問係唔係鬼佬根本唔駛草藥嘢,突然老土當時興。咁又唔係嘅,近幾十年草藥變成西方醫療嘅一部分, 川貝枇杷膏 有紐約人由香港帶返美國再成為一種輔助療法,其實鬼佬係知乜事。

感冒 症狀擾人至令草藥興起

流感喺初期要出動特敏福,要預防比較有效方法係打疫苗,西方除咗啲左膠,一般人都唔會同你拗。但問題後中招後,西藥對症治療,嚟嚟去去都係Nonsteroidal anti-inflammatory drug(NSAID),果幾隻化痰藥,甚至醫生連藥都無開俾你,你自己搞X掂佢,食到人都散。咁有時候,草藥喺尾段,反而會舒服啲,甚至唔知點解藥到病除,可能因為感冒去到尾段,但喺美國,草藥未必好似德國咁多選擇果陣,有幾個人喺香港試過 川貝枇杷膏 係work,而香港賣 川貝枇杷膏 全部有英文說明書同成份說明,咁點解唔買嚟試吓? 川貝枇杷膏 突然走紅,唔係呃鬼佬,而係西藥嘅選擇堅係唔多。

喺德國, 川貝枇杷膏 爆紅可能難少少,因為德國自己都有使用草藥傳統,而且好平,好似以下Bad Heilbrunner Husten und Bronchial Tee (唔複雜,氣管茶),成份有茴芹、百里香同小葉椴,唔少德國人初起感冒,或感冒尾段都會沖嚟飲,好平(一盒一歐羅,如果有人想買,就PM我,計埋郵費堅係20蚊港紙就夠)。所以咪話鬼佬係唔駛草藥呢樣嘢,成個德國都有飲草藥嘅傳統,美國已經係無歐陸一帶咁傳統

IMG_6327-min
IMG_6327-min

喺全球化大勢下,香港保留唔少一早被共產黨毀滅嘅傳統嘢,其實本身都係優勢嚟,反而,依家要小心中國人見 川貝枇杷膏 爆紅就做假銷往海外,Amazon Marketplace有幾多中國奸商,呢個至係真係最令人擔憂,以往因為 川貝枇杷膏 唔值錢,就唔會有中國奸商冒仿,依家見值錢,你覺得以中國人嘅性格佢地會點回應,真係諗起都心寒,特別北美唐人街聚咗唔少乜嘢商人,大家都估到乜事。

發表迴響

你的電子郵件位址並不會被公開。 必要欄位標記為 *