Eurovision

成吉思汗 德國 拜仁州與硬膠: Eurovision 點樣砌出一隊九唔搭八嘅經典出嚟

成吉思汗呢隊「德國」樂隊,你或者未必知,但 硬膠潛水怕屈機 你知係乜嚟,呢首曲嘅原曲Moskau應該會稍後經常播出,因為2018俄國世界盃,Dschinghis Khan呢隊組合,其實十分之有膠力,但 Eurovision 歷史上,呢班住喺德國嘅賭X,竟然家傳戶曉到今日,成件事都好黐線。我昨晚睇完 Eurovision 2018德國選拔賽,其實會明點解1979年會選件咁嘅傑作出玩。

成班唔係德國人代表德國出戰 Eurovision

首先 Eurovision 德國選拔賽,堅係無乜睇頭,因為德國電視工業,喺新聞、遊戲節目、紀錄片佢係好強,但一去到娛樂就⋯⋯缺乏靚仔靚女(同BBC有捧出瘋魔世界靚仔能力好唔同),電視劇都係謀殺片,RTL, VOX播果啲唔少係美製配音垃圾,你可以諗到 Eurovision 要搵強人出戰唔容易。

最大鑊係,有啲娘爆嘅嘢,班友都夠膽出戰 Eurovision ,你堅服咗佢,好似 Voxxclub,係條褲都要著Oktoberfest果啲褲,一睇就知係拜仁州果啲老人家音樂騷果啲Star,連音樂都係果隻style,大家可以諗到點解德國甚少贏到 Eurovision 。特別啲小國係精心製作,否則唔會 Eurovision 小國贏多過啲大國喇。

經常出呢啲嘢,其實好易悶親。1979年, Dschinghis Khan 隊嘢點走出嚟,扮成吉思汗果條友係荷裔南非人,跟住一堆匈牙利人,得一位成員係德國人,仲要德國人嘅老婆都係荷蘭人,荷蘭人出名係乜嘢黐線嘢都玩得出嚟。而匈牙利人,本身擅長舞曲,大家諗到點解呢隊包裝膠爆嘅隊伍,點解可以代表當年嘅西德出戰,仲要食住Disco熱潮嘅水,跟住佢地啲嘢竟然出口到香港、日本兩個地方,跟住一切都係膠歷史。

仲要一樣嘢,成吉思汗呢隊嘢係拜仁州產品,本來拜仁州就接受到一啲黐到震嘅嘢,例如Dietfurt an der Altmühl嘅中國狂歡節,成班友九唔搭八扮中國古人,咁同一個州,搞出一個九唔搭八嘅Dschinghis Khan有乜奇,我睇Dschinghis Khan果陣,就諗起中國狂歡節班友啲黐線嘢。你話德國膠唔膠,德國都可以好膠。

呢個可能我隨便講吓,如果搵堆香港住喺德國或歐洲嘅具歐籍人士,明年報名參加 Eurovision 德國賽區,係有可能殺出重圍,甚至mix出啲唔知乜出嚟,德國人喺 Eurovision 對賭X嘅接受度都好高吓,因為搵個賭X出嚟玩可能有機會贏。住咗喺德國大半年,終於明當年呢隊嘢點解可以殺出嚟嘅原因。

發表迴響

你的電子郵件位址並不會被公開。 必要欄位標記為 *