梁天琦-香港英雄-min

梁天琦 案引向香港愛爾蘭化

梁天琦 被指煽惑暴動案仲審緊,其實一個聰明嘅政府,應該係唔告,或尋求特赦魚蛋革命相關人等,唔係告暴動罪。依家有人街頭塗鴉香港英雄 梁天琦 等大字,我睇唔到DQ案有壓過民氣,相反,我睇到係一股激進主義暗湧嚟緊,搞唔掂就香港真係愛爾蘭化。

梁天琦 變成魚蛋起義嘅英雄

好多人仲係泛民果隻豬諗法,政治係講贏唔贏到立法會議席,所以玩DQ都仲要陪呢個仆街政府玩落去,無第二條路,但 梁天琦 依家嘅情況,大家睇到佢變成同1916年復活節起義果十四個英雄一樣,復活節戰術執行絕對係災難,最後亦全部人死晒,但有無打擊過愛爾蘭以武力為本嘅獨立運動,無,1918年徵兵危機下嘅新芬黨大勝,新芬黨幾乎全勝北愛六郡以外所有國會議席,跟住就係大家鬥殺人無人性嘅愛爾蘭獨立戰爭,以及愛爾蘭內戰。

就算俾你香港政府班仆街判晒港獨分子入獄又點,香港人唔係中國人,中國嘅民運係乜嘢款,我見過,我亦知乜事,根本都只係中共果套做嘢方式倒帽,所謂民主中國會唔會同中共有太大分別,我睇唔到嘅,大家睇俄國依家個衰款,就明白所謂民主中國都唔會真正民主。台灣獨派內部都好多膠嘢,但佢地尋求另一個國家嘅意志,至少係令台灣民主相對健康,至少政黨輪替係做咗幾次,基本上依家真係要解決只係界限街以北,同南京兩個智力問題,跟住就可以金蟬脫殼,中華民國之名完成歷史任務。

所以我睇 梁天琦 入獄,黃台仰流亡,只會令佢地正式成為香港嘅領袖,正如今日黃之鋒嘅地位唔會有人挑戰佢,因為佢冤枉監都坐過,你有乜好講。當然, 梁天琦 被判罪成一定好甘吓,但佢嘅鬥志,會令佢成為香港曼德拉,香港依家無條件玩中共整死劉曉波呢種做法,中共整死劉曉波而中國無人出聲,日後都應該會證明係重大歷史錯誤,德國二次大戰被人打到散晒,德國人對好多盟軍入境時暴行都唔敢出聲(蘇軍係特別離晒大譜),都係因為德國人認為自己都無奮勇否定納粹,甚至兵臨城下都係得一個杜塞爾多夫去做帶路黨,所以納粹大災難根本係全民共業。同樣,如果香港愛爾蘭化,呢個我都會睇成一個共業。

發表迴響

你的電子郵件位址並不會被公開。 必要欄位標記為 *