流感疫苗-min-2

香港人應儘量打 流感疫苗

流感疫苗 呢個問題未討論完,啲左膠就轉移去討論特敏福,有啲喺文匯報寫嘢嘅「素人父母」點亂講,我唔想分析。但作為一個啱啱中完流感嘅人,我強烈建議各位可以打 流感疫苗 嘅仍然去打,如果老闆唔想因流感損失生產力,果枝 流感疫苗 投資嘅錢係值得。

流感疫苗 保住生產力嘅作用

無錯, 流感疫苗 唔一定百分百防止到流感,但大家諗吓流感造成嘅生產力損失,以及依家香港公共醫療系統嘅狀況,以及香港嘅人口密度,呢筆錢就絕對值得投資,不論對員工定對自己。

首先,流感發作起嚟,堅係無生產力,特別係發高燒同係咁有痰同咳,我依家唔係講普通傷風common cold,而係堅流感,而且以香港辦公室嘅人口密度同空氣質量,我好肯定一旦流感喺公司傳播,全公司啲員工接二連三被打敗,你班友諗落唔怕。

點解我會突然呼籲大家打 流感疫苗 ,我呢次受流感影響,其實應該係受魯爾區一堆大城市嘅疫潮影響,科隆都流感個案暴增六成。德國嘅人口密度,遠遠唔及香港,魯爾區係相當唔人口稠密,都可以人數暴升,可以見到這波流感嘅傳染力唔弱,香港鄰近中國,再加上人口密度咁高,唔怪得香港公立醫院變成一個人間地獄。呢種情況下要自保,唔打 流感疫苗 仲有乜好做?當然,如果高危人士應該快打,先打,但如果有疫苗,喺香港優先原則下,老闆應該資助員工去打,我相信絕對係雙贏, 流感疫苗 嘅針藥錢,係可以透過因無被流感打敗嘅生產力保存而賺返嚟。

當然,香港啲老闆一般無咁好嘅宏觀思維,所以我唔會望有好多老闆有資助員工打 流感疫苗 嘅覺悟。只不過,喺流感疫潮之中,我最想左膠依家收聲,無錯,治療流感有好多唔同方法,畢竟大部分都係對症紓緩治療,德國都興草藥茶,如果有人飲開德國草藥茶,我都可以兼營賣埋。只不過,特敏福作三隻抗流感藥物中,唯一一款可以口服嘅,除非有新藥物,否則佢嘅重要性係無從否定,我唔明左膠點解要不顧公共安全,如此憎恨疫苗同埋特敏福。反資本主義反到太走火入魔,係可以去到一個危害公共衛生程度。除非有好充分嘅證據,否則左膠應該喺呢場討論度退出,流感無關資本主義,要見馬克思唔該自己諗辦法。

發表迴響

你的電子郵件位址並不會被公開。 必要欄位標記為 *