鄧家彪-min

鄧家彪 要人俾四蚊收你份垃圾,你呢鋪堅係選情危殆

我發現腦袋呢家嘢,喺親共陣營真係十分之罕有,新界東補選, 鄧家彪 竟然敢寄出一大堆無貼郵票嘅選舉宣傳品,因為依家香港郵政嘅欠資郵件政策係,收件人必須親臨郵政局收件並且繳清款項,大批市民要派親友去郵局補四蚊攞信,但攞到係 鄧家彪 嘅宣傳品,唔火起就奇。

鄧家彪 連常識都無

無錯,每位候選人有一次免費香港郵政投遞嘅服務,但只此一次,如果要寄額外嘅件,就必須自己用錢去寄,即係要郵票。無錯,香港郵政喺郵政基建上其實好落後,喺德國,只要你有商業登記,申請Postcard嘅郵政戶口,然後你可以喺網上大量買Internet Marken,跟住你用Dymo Label機,或直接將網上郵政標籤印喺封信度,咁就解決問題,香港就無呢家嘢,但 鄧家彪 咁疊馬,工聯會有的是人,要有一大堆郵票自己黐好難咩,依家果四蚊欠資郵費,當唔當選舉經費, 鄧家彪 點賠番四蚊郵費,以及攞郵件所浪費嘅時間,呢件事 我真係木宰羊,所以呢次 鄧家彪 被人話選情危殆係正常,咁唔用腦嘅候選人,我腦袋正常都唔會投你一票喇,依家仲嫌立法會唔夠多膠人呀,立法會已經膠到一個點好耐世紀。

呢件事, 鄧家彪 絕對爭公眾一個好大嘅道歉,而且故意用白信封嚟寄亦太奸狡,係唔係有人想寄一啲超出選舉經費嘅嘢,選管會係唔係要跟跟佢。

當然,呢啲膠事亦反映香港郵政係落後到一個點,喺德國,其實好多人都唔用郵票,因為網上郵票,又整齊又乾淨,又方便揀信系統,但香港到依家做嚟做去都係得EC-Ship喺部分服務上提供網上郵資標籤服務,寄嘢根本係一件好費時失事嘅工作嚟,同喺德國,只要你重量正確,將啲信交俾郵局就搞掂晒唔同。有人話德國郵局咁勁,因為德國間郵局根本係DHL,咁呀,點解香港郵政唔儘早私有化,等香港郵政可以用私營公司嘅手法嚟營運,唔好搞到依家咁官僚。

雖然香港整體啲所謂物流方案,都係不知所謂到爆,連宅急便香港同宅急便日本提供嘅服務水平,但完全係兩碼子事,香港要搞e-commerce,唔好意思,香港啲物流仲係清王朝水平。

One thought on “鄧家彪 要人俾四蚊收你份垃圾,你呢鋪堅係選情危殆

  1. 原本系2蚊,攪到收件人比$4!! 白痴的嗎?佢點寄?交大件時,郵局冇理由不發現冇郵票 或大量郵件號

發表迴響

你的電子郵件位址並不會被公開。 必要欄位標記為 *