惟工新聞-min

惟工新聞 用Content Farm手法反資本主義

一直以嚟,極左左膠對人類社會危害唔會細得過極右。好似有幅 惟工新聞 嘅舊圖,我只能用一幅極其不負責任嘅圖嚟形容, 惟工新聞 應該被列為fake news來源,因為佢地為咗傳達反資本主義嘅信息係不擇手段,呢種極左分子可以害死人都唔知。

惟工新聞 班懵丙有病唔好食藥呀

首先,岡本裕嘅偏激理論,本來就唔知點嚟,我唔否認岡本裕好有名,但止痛藥同患癌扯埋就真係太荒謬,呢啲圖真係最適合迎合果啲Content farm嘅信眾。無錯,會睇大榴槤果啲懵丙。

而藥廠研發一隻藥後,如果日後副作用勁,啲錢係會嘔突,好似好多女士會食嚟醫暗瘡嘅Isotretinoin,Isotretinoin嘅副作用係公認勁,而且會引致畸胎,所以食咗要簽字表明知道副作用,以及唔會喺服用後十二個月左右生兒育女。縱使係咁,Isotretinoin嘅原開發商Roche都因為被人告到甩褲,被迫退出美國市場,大家要知道,美國市場係世界最賺錢嘅市場,而且Roche到依家仍然要喺美國,就Isotretinoin相關嘅官司辯護同賠水,但成個美國大部分Isotretinoin藥丸,其實都係其他公司生產嘅Generic產品。類似嘅情況,一樣出現喺Nexium同膽固清。我想問,你 惟工新聞 班茂利講嘢前,有無做過研究同諗過後果, 惟工新聞 呢種共產黨式抹黑手法,絕對係嚇得死人,果然左膠都係不擇手段。

其實有一點我想提醒大家,藥廠無大家想像中咁好賺,因為喺醫療保險公司同政府嚴控醫療開支下,太新仲有專利嘅藥,除非證明佢嘅療效獨一無二,無可取代,否則一般少處方俾你,如果係過咗專利,就成堆Generic學名藥競爭下平到嚇死你,以抗敏感藥治敏速為例,香港萬寧一盒十粒賣五十蚊港紙,喺德國係三十八蚊一百粒德國製學名藥,所以我喺德國平日嘅醫藥駛費係仲少過香港,因為德國啲學名藥鬥平平到嚇死你,而部分學名藥嘅廠根本都係果啲大藥廠,好似Hexel AG,其實即係Novartis。

惟工新聞 再share呢類內容,大家可以將佢列入黑名單,完全唔駛客氣。

發表迴響

你的電子郵件位址並不會被公開。 必要欄位標記為 *