梁振英-min

檢控 梁振英 至能夠證明律政司清白

梁振英 可能以為啲人假期唔睇新聞,竟然透過TVB放風話律政司司長唔會就UGL案作出檢控都夠膽死,雖然律政司司長立即出聲明否認,但呢點都可以睇到 梁振英 係幾仆街,同埋意圖繼續掌控香港政府施政。有僭建案在身嘅律政司司長,如果無一啲實質行動可以俾公眾睇到嘅話,公眾係好難信律政司司長係堅做嘢嘅喎。

要檢控 梁振英 並唔係咁難

其實要檢控 梁振英 係唔係咁難,只要廉署同律政司司長向東京法務局索取所有日本DTZ有關嘅公司登記文件,特別係股權轉易文件,我唔信唔夠料砌 梁振英 ,都未計 梁振英 同UGL私底下協議會否構成許仕仁案中黃金枷鎖嘅元素,而東京法務局見到律政司同廉署嘅要求,係無理由拒絕港府嘅文件請求,以我個人同東京法務局嘅交手經驗,所以依家檢唔檢控 梁振英 ,係睇律政司司長肯唔肯作出實際行動,請求世界各國嘅執法機關予以協助,如果港府係堅做嘢, 梁振英 呢啲透過TVB放風嘅手段,邊有咁容易得逞至得。所以依家律政司司長要證明自己清白,唯一方法就係儘快檢控 梁振英 ,以及向各相關國家政府嘅執法機關請求協助。

至於TVB,呢次放風作為係離晒大譜,我相信通訊局都唔敢挑戰律政司司長聲明嘅真確性,我認為呢次TVB明顯違反《電視通用業務守則-節目標準》第9章第1條

持牌人必須盡一切合理努力,確保新聞、時事節目、財經節目、個人意見節目、紀錄片、採用調查手法報道的節目、兒童教育節目、 以醫療及健康為題材的節目,以及比賽節目內的真實資料準確無誤。

一係TVB就披露個消息來源出嚟,究竟係邊個指示放嘅料,以 梁振英 任內極其偏幫TVB嘅作風,我相信呢段料嘅消息來源正係 梁振英 本人, 梁振英 為咗甩身無乜嘢仆街手段都用得出嚟。而且呢段料唔會係一般記者仔攞返嚟,好大機會係袁志偉自己攞返嚟,袁志偉應該同全世界解釋一吓佢依家係報啲乜嘢新聞,依家袁生係為咗幫 梁振英 濫用大氣電波發放不實消失,除非袁志偉有確實證據證明,律政司已經一早決定唔告 梁振英 ,如果佢篤爆律政司講大話,就另作別論。

發表迴響

你的電子郵件位址並不會被公開。 必要欄位標記為 *