Yuan Ren-min

Yuan Ren 呢種中國人窮得只剩低錢

有時候,中國人,特別北方嚟果班友,以為自己有錢目中無人,肆意踐踏海外華人文化,不知所謂,Timeout北京版前編輯 Yuan Ren 就衝出嚟被人開年,話英國華人為咗討好中國遊客,唔好再講粵音恭喜發財,同香港式醒獅,要跟北京嘅玩法。

Yuan Ren 堅係被人開年

X那星, Yuan Ren 知唔知你自己講緊乜,我自己問緊衛報有無版位被我還拖(如果你喺英國或歐洲,英文好都唔該寫去衛報還拖),但呢條友係同時得罪香港華人同南洋華人。

英國華人農曆新年嘅習俗,其實係香港同南洋嘅華人帶過去,大家要知,依家英國嘅華人,特別有英國公民身份嘅華人,唔係香港人就係南洋人後代,中國嚟果啲其實唔多。呢啲人嘅祖先千辛萬苦保留佢地嘅原有文化,英國人都唔敢踐踏呢啲原居英國嘅華人文化,你條北京妹憑乜嘢出聲,遊客大晒呀,我都未計成群中國遊客喺歐洲無攞Work Permit以及商業登記搞代購業務呢樣嘢。成班友喺歐洲無規無矩,就學人出聲,早抖喇。

有一樣,海外華人文化係無必要跟番中國,南洋華人喺吉隆坡同檳城,都係講番原有粵語同閩南語,呢個係捍衛祖宗文化嘅問題,依家係在地嘅人尊重呢啲傳統文化,但中國人就以為自己財大氣粗,將自己無taste果套帶入嚟,條氣唔順就梗。

呢種中國人嘅盛氣凌人態度,正係港獨同台獨溫床,而且台灣人同香港人會憎到呢班友入骨,我記得我喺維也納,我喺Cafe叫嘢食,其實我都係用簡單德語,但佢地見到我能講英文,都寧願講英文,呢個係多少同奧地利人曾經喺文化上爭啲被德國消滅有關(你估德奧合併(Anschluss Österreichs)果鑊無代價㗎,其實果鑊為德奧之間留低一定心病),所以同樣係德語系國家,但奧地利選擇係保留自己嘅定位。呢個心態,同我識講識聽華語,但如無必要絕不講華語嘅心態一樣,街上有類似中國人嘅物體問我係唔係中國人,一定唔應機,如果見到違法行為,我保證會報警,因為中國呢種對其他文化全不尊重嘅文化侵略,係十分之乞人憎。

好簡單,英國華人要講粵語,用香港方式過節,關你北京人春事。

3 thoughts on “Yuan Ren 呢種中國人窮得只剩低錢

發表迴響

你的電子郵件位址並不會被公開。 必要欄位標記為 *