一帶一路-min

春晚扮黑人反映 一帶一路 背後嘅帝國主義

中國中央電視台嘅春晚,搵個大媽扮非洲人,搵個非洲人扮馬騮,呢件事,陶傑嘅立場我估到,但啲左膠一句聲都無出,我覺得就好好笑,係囉,左膠成日話帝國主義,但 一帶一路 搞帝國主義,你班左膠就連屁都唔敢放。我覺得呢件事,絕對要恥笑呢班民族主義分子。

一帶一路 根本係帝國主義

其實中國果種血統為本狂妄民族主義,其實一直都存在,最鍾意睇唔起其他種族,中國人呢樣嘢本來就核突,而 一帶一路 ,係咁用錢昆斯里蘭卡、巴基斯坦嘅港口返嚟,根本就係帝國主義。因為唔少中國人認為國家要強,就要向帝國主義學習,所以要壓迫香港同台灣,要周圍收買啲南洋同西亞,甚至非洲國家,甚至要靠製造種族stereotype嚟滿足自己。如果係陶傑,佢一直都唔buy政治正確果套,佢嘅立場可以理解,但成日攞政治正確嚟下戰書嘅左膠,依家去咗邊,喺 一帶一路 問題上,左膠一直係屁都唔敢放一個,佢地成日攞政治正確嚟放大嚟做,其實只不過係服務佢地擁護嘅帝國主義,仲要係中國式帝國主義,所以我對左膠睇唔起,亦都係呢種原因,因為佢地搬龍門搬得太過份,完全係一個獨裁政權張目。

所以我係反對 一帶一路 ,因為 一帶一路 嘅本質係帝國主義,當然西方國家反對 一帶一路 ,梗係有佢嘅戰略考慮,但中國搞 一帶一路 係帝國主義,中國人搞種族主義果種核突嘢,你班左膠仲扮乜嘢左膠,仲扮乜嘢大愛啫,認咗自己係中國式種族主義者算吧,所以,我依家好睇果幾間左膠傳媒,例如香港獨立媒體,或者端媒體,呢幾日係唔出聲,定顧左而言他。

雖然我係一個親英派或者獨派,但我一向都反對種族主義,因為種族主義本身係白痴,所以我主張BNO平權,如果中國放棄對香港主權,我認為要停止對中國人嘅負面用語,呢個係一個原則嘅問題。但依家睇啲左膠,個個扮晒大愛有理想,其實成班友為中國果種納粹式民族主義張目,呢樣嘢我最為反應,總之著數係歸中國人嘅,中國大晒,一切邏輯都不適用於中國,喺呢啲關鍵事件,係一定要走出嚟,拆穿呢班福佳嘅西洋鏡,亦都係咁解。

發表迴響

你的電子郵件位址並不會被公開。 必要欄位標記為 *