煙花-min

私放 煙花 問題幾時冚

農曆新年私放 煙花 嘅問題,喺去年我都講過,有人見到超近屯門公司係咁放煙花,不單擾民,而且影響行車安全,只不過,今年有人藉年初二唔放 煙花 變本加厲,不單周圍都有,而且差佬嘅力量集中喺街邊抄牌,唔係捉 煙花 ,平日又唔見佢地咁勤力抄老闆車。

煙花 與選擇性執法

呢啲友仔可以咁夠薑大街大巷咁放 煙花 ,梗係喇,呢班新界原居民,好多都係藍屍嚟,即係親政府嘅友仔,你試吓支持港獨嘅攞一箱 煙花 出嚟放,即刻拉人封艇,好似蠔涌舊亞視廠房咁單嘢咁告你,依家公眾第一個問嘅問題係:親共大X晒,藍屍大X晒,親共可以攞牌超越法律,如果係咁嘅話,咁下年不如親英或港獨都買 煙花 「賀歲」咁好唔好,呢種雙重標準,本身已經係黐線到無朋友。

有人話歐洲都有人新年當眾放煙花,無錯,德國可以周圍放,但德國有一點好清楚,Ordungsamt 係會劃定可以自放煙花嘅區域,同埋德國無乜高樓大廈以及喺戶外晾衫嘅情況,同埋真係會有人堅放煙花,係12月31日 2000 CET – 1月1日 0500 CET 左右,下午已經無人放,點似香港,班友都無譜,係又放,唔係又放。同埋德國寬鬆嘅新年 煙花 政策,喺G20漢堡之役咪出事,啲極左示威者向警察發射 煙花 ,咁係唔係政府好想香港人玩德國式抗爭,向警方人員發射以公斤計嘅 煙花 ?我都未計,依家班圍村人入嘅非法 煙花 ,根本無安全標準可言,德國新年係喺百貨公司賣 煙花 ,所有 煙花炮竹嘅設計,都係受到歐洲安全標準嚴重管制,即使係咁我都唔敢喺德國放,香港人攞住中國製煙花係咁放,佢地唔記得成龍嘅金句㗎,如果佢地炸傷咗,我覺得係完全唔值得大家同情。

如果警方係有心維持社會安寧,唔好玩選擇性執法,唔該採取行動取締所有鄉郊地區嘅違例 煙花 ,並且用蠔涌案嘅標準嚟檢控,如果香港警察仲維持呢種選擇性執法嘅政策,我相信遲早全民偷買煙花指日可待,跟住有日喺示威期間有警察被炸傷,就唔好攞嚟抹黑示威者或者扮同情,自己都唔依法辦事,被人炸傷有乜好怨,我堅睇啲廢老被拉果陣,佢地會點回應。

發表迴響

你的電子郵件位址並不會被公開。 必要欄位標記為 *