兼職司機-min

兼職司機 唔係問題,問題係監管

九巴喺大埔大車禍後,第一件做嘅所謂改善措施,竟然係炒晒啲 兼職司機 ,本來已經唔夠司機,仲有炒 兼職司機 ,呢啲斬腳趾避沙蟲嘅做法,可以講係匪夷所思,九巴管理層似乎一路搵緊代罪羔羊,果然好有曾偉雄特色。

兼職司機 唔一定有問題

誠如李日新所講, 兼職司機 唔一定有問題,可能喺聘請 兼職司機 果陣,唔准一啲working hours太長正職嘅人去做,避免出現疲勞司機,但唔係要炒晒 兼職司機 嘅理由。相反,依家嚴重人手不足仲要唔請 兼職司機 ,結果可能係正職司機過勞,屆時仲牙煙,一係就係更多受訓時間不足嘅所謂「全職司機」匆忙上陣,一樣係死得人多。連軍隊呢樣咁專業嘅嘢,西方國家都有一啲周末執勤嘅軍人,警察都有輔警,如果照曾偉雄嘅邏輯,點解你當年唔炒晒啲輔警啫,所以我睇完成個idea,我覺得成個決定簡直係黐線而且無知,完全係頭痛醫頭,腳痛醫腳嘅做法。

跟住有啲投共分子,話不如請中國司機,有人講呢樣嘢,應該立即同佢開年,一方面香港係右軚環境,我自己有右軚牌都唔敢喺德國揸,寧願再上一次Fahrschule,因為左右軚環境唔同,仲要香港啲路窄,但雙層巴士車係大架,其實唔適合啲過江龍。另一方面,中國司機新加坡用過喇,結果搞到新加坡巴士服務水準一鑊泡,乜大家以為公共交通搞到好似新加坡咁好好玩呀。

依家九巴係應該保持請番一定 兼職司機 ,特別青壯果啲,退休司機轉 兼職司機 係可能有健康疑慮,相反,應該落多啲時間喺訓練 兼職司機 ,同埋小心留意司機嘅精神狀態,呢個至係最重要,如果唔想 兼職司機 以至全職司機唔好咁繃緊,係要用高薪擴大聘用高手做 兼職司機 ,呢個至係王道。

仲有一樣嘢,依家巴士司機可以自己培訓十七號牌司機,呢個做法好有問題,巴士司機入職條件,不論兼職定全職,我寧願俾人工高,但應該係先揸九、十號牌,或喺小巴牌揸過一段時間,唔係揸過私家車三年就可以投考巴士司機,應該係一級級咁升上去,依家巴士司機可以自己訓練司機,監管又唔多,呢樣嘢堅係嚇死人。

One thought on “兼職司機 唔係問題,問題係監管

發表迴響

你的電子郵件位址並不會被公開。 必要欄位標記為 *