瑞犬護香江

瑞犬護香江 文匯報曲直難分

新嘅一年生肖係狗,狗年最適合搞膠標題,呢個唔駛講,但估到第一個跑出嚟玩曲線嘅,竟然係文匯報, 瑞犬護香江 跟住啲相全部都係一眾香港政府嘅高官,大家睇完呢個組合,大家都心神意會得到成件事有幾咁曲線,仲唔係暗鬧班膠官係狗官或係中共嘅狗。

瑞犬護香江 係點走出嚟

當然,大家要探究呢條曲線標題點走出嚟,文匯報一向都有人犯低級錯誤,最經典果鋪正係江交棒心情愉快,因為啲中國嚟嘅編輯,唔知香港嘅膠文化,結果江澤民多咗個外號叫肛交棒。但鬧官係狗,呢個有少少常識都知係乜,成個頭條玩到咁,就應該同中國人趕住過農曆新年,應付官場應付多過乜,任由啲細嘅去定頭條,結果有人玩曲玩到一個新境界,我諗初四班友見中聯辦啲官員果陣,都應該係堅初四咁嘅款。

而呢條題,點解係擺明玩膠,因為唔係用曲線思維諗嘢,係覺得呢條題落得頗多鞋油,但用慣曲線思維嘅都知,鞋油有時落Over咗,應該有啲嘢唔妥,而呢條同警犬跳人肉火圈果段片都係,鞋油落多咗,啲官自己覺得無問題,但平民百姓睇完就一定笑咗。林鄭月娥竟然喺農曆新年賀詞俾人玩,好明顯佢唔識買廁紙呢個問題根本無解決過,一個長期堅離地嘅人,曲線嘅嘢佢識條鐵咩。所以,就有今年大年三十,由特首到文匯報都充滿曲線材料,所以喺香港搞類似ZDF Heute-show嘅節目,根本係唔愁材料,除咗香港做政論普遍幽默感唔夠之外,其實係香港啲傳媒根本無言論自由,自我審查太勁,呢啲咁嘅事喺歐洲,一早被人由頭玩到腳,由腳玩到頭喇。

由於今年係狗年,所以睇嚟文匯報呢份咁膠咁曲嘅頭條預示咗,今年班官都好難同狗呢個字脫離關係,雖然我認為鬧班狗官係狗官,其實係侮辱咗狗,因為狗作為人類忠心嘅朋友,係唔會害主人,只要訓練得當,但依家香港呢班官,連人民忠僕都唔係,只不過係中共嘅殘民害犬,係狗都比呢班仆街冚家鏟有人性得多。所以,如果真正 瑞犬護香江 ,最好睇呢班賤人幾時仆鑊甘收場,不過以中共依家嘅狂妄同虛弱,佢地等住變第二個路祥安就係。

發表迴響

你的電子郵件位址並不會被公開。 必要欄位標記為 *