Facebook-1-min-2

將 Facebook 營運基地搬到歐洲係重要

喺0900 HKT左右, Facebook 突然中斷我嘅Audience Network同Instant Article,去到2月15日,0200 HKT左右, Facebook突然撥亂反正,恢復我呢個Page一切權利,我果陣其實已經準備寄掛號信返香港,要求 Facebook Hong Kong Limited解釋乜嘢事。

Facebook 營運基地搬到歐洲係重要

點解我相信係 Facebook 香港搞事,因為 Instant Article 中斷嘅時間,係 0900 HKT,應該係一返工就有人㩒掣。但 Facebook 香港㩒掣果個人,應該無諗到我喺歐洲時間辦公時間內提出抗議同上訴,喺上訴無效後,我喺Email質問成件事嘅具體原因,同埋係唔係陳澍嘅政治決定,其實我呢個問題已經係為向European Commission同德國法院投訴做準備。我問完後一個鐘, Facebook 就恢復我嘅 Audience Network同Instant Article 服務,大家睇到呢度,都知道依家成件事係邊個嘅傑作,畢竟我對呢種中國式濫用公司權力嘅做法十分之熟悉,否則我唔會寧願俾德國嘅高稅率,都要將成個網站同專頁嘅營運基地搬到德國,Facebook喺德國法院都輸過唔少官司。

大家可以見到,香港人嘅言論自由,要必須小心中國籍員工喺美國大公司玩濫用權力嘅情況,雖然依家呢度用晒Google、Facebook同Yahoo!嘅服務,但呢啲背後都係我同中國籍員工刀來劍往嘅紀錄,我相信其他香港人,都要考慮將營運基地搬到歐洲,因為歐洲嘅法律相對比較強,呢啲大IT公司要作出任何決定前,都要考慮歐洲嘅消費者法律,所以個別員工濫用權力嘅安排,會比較容易撥亂反正,咁樣可以比較能保障到自己嘅言論自由。

當然,我相信呢啲小動作仲可能繼續有,呢場仗唔會就咁結束,我相信我下一步行動,係要求Facebook解釋一吓,究竟由鏟五毛到呢啲中斷服務嘅決定,香港分公司嘅人有乜權限同扮演乜嘢角色。

發表迴響

你的電子郵件位址並不會被公開。 必要欄位標記為 *