香港01-min

香港01 賣核突吸hit rate乜嘢玩法

香港01 一直都係我最憎惡嘅網媒之一,因為佢根本係黨01嚟。除咗政治背景外,佢果種為求hit rate不擇手段嘅做法亦十分之乞人憎,一般feature image我都會出番同件事嘅相,但今次堅係唔出得相,因為 香港01 竟然用李私煙放閃喺情人節吸hit rate,呢件事件根本出唔到相,我諗我做唔到擺核突嘢嚟搏share同討論嘅無恥境界。

香港01 根本只係content farm

臨近農曆新年traffic低潮, 香港01 想吸hit rate本來可以理解,只不過,呢個世界大把嘢可以用嚟吸hit rate,唔係用一個連明星都唔係,亦同公眾利益無關嘅五毛李偲嫣嘅私生活嚟吸like,不單無人想知佢私生活究竟係點,而且呢啲同幫五毛宣傳有無分別?我睇唔到當中嘅分別喎。所以 香港01 呢次係應該被聲討,可以反映 香港01 扮到自己幾知識分子都好,佢本質仍然係一個content farm,為求hit rate乜都得,呢類content farm除咗抵制,我真係諗唔到第二樣嘢。

Facebook喺全世界suppress media嘅內容喺news feed出現,呢個政策當然係有問題,其實只不過係啲媒體唔肯入Instant Article,喺廣告分成有問題然後玩佢地,而Facebook大中華地區喺呢方面政策嘅實行,更演變成故意壓抑政治內容嘅做法,就更加之不知所謂。但另一方面,依家唔少香港網媒嘅做新聞手法,唔係做抄抄子,就係做大榴槤咁不負責任咁吸share,咁老實講,又真係會俾到Facebook大中華班地藉口玩嘢喎。試問大家見到 香港01 今日呢啲咁嘅內容,你今晚仲食得落飯,呢件事簡直係破壞晒成個情人節嘅氣氛,破壞晒成個news feed嘅氣氛,被人問候祖宗十八代係應份。

我諗 香港01 可能認為呢個係一個正能量嘅post,但我想講,依家 香港01 呢個post係變咗「正X樣」post,有啲公眾形象惡劣嘅人物,特別係陳淨心,李偲嫣呢啲垃圾,係唔值得霸佔任何傳媒版面。

發表迴響

你的電子郵件位址並不會被公開。 必要欄位標記為 *