下半旗-min

英國駐港使館點解就大埔車禍 下半旗

英國駐港使館一般好少就香港大災難 下半旗 ,對上一次係南丫海難,但南丫海難係有英國公民葬身大海,所以英國駐港使館 下半旗 簡單嚟講係應份。但呢次係,英國駐港使館主動就呢件事表示哀悼,港府今日只係上午 下半旗 ,但英國駐港使館係全日 下半旗 。呢件事,就完全係一個心戰考量。

下半旗 係一種外交姿態

大家要攞三件事一齊睇,就明FCO呢次做法係乜。首先,要應付德法兩國嘅心戰,雖然德國使館呢次無主動應機,但換嚟係法國,基本上喺外交上,德法係攻守同盟,如果香港最終變成歐盟喺亞洲嘅前哨唔喺英國嘅控制範圍,呢個將係英國外交戰略上最大嘅失策之一,你話FCO無壓力係假嘅。

另一方面,呢次車禍嘅死傷者,實有一件BNO,如果喺以往,英國係當睇唔到BNO,但依家係無講出嚟,實際姿態係,凡有英國國民在港出事都關英國嘅事,呢個當然同英國即將有嘅重大法律變動有關,詳情我都係果句,我唔會喺公海講咁多,有跟開呢啲嘢嘅就知我講乜,啲唔關事嘅五毛,我亦無必要答佢地,特別連英國國籍都無果啲。

而英國突然會重視喺香港嘅不同類型英國人做乜,英國戰艦下月會入南海,完全支持美國嘅南海自由航行政策,英國戰艦呢次入南海擺明挑機,都係果句,如果英美要有效保障南海嘅航行自由,除咗要保住台灣嘅安全外,仲要做啲乜,最終南海北部有番一個英美控制嘅港口係必須,咁南海正北部唯一一個可能攞番嘅港口係邊個?正係香港,呢個係一個好簡單嘅軍事戰略問題,當中國唔想守《中英聯合聲明》,亦唔想保障南海嘅航行自由果陣,台灣同香港兩個要塞嘅控制權就一定會提上議事日程,件事就係咁簡單。而令英國軍事力量進入南海要名正言順,除咗南海嘅航行自由,保證英國國民嘅安全同權利係一向嘅理由。

如果大家仲feel唔到其實依家四圍戰雲密布,我祝你好運,有一點要留意,由於俄國「僱傭兵」(根據俄國法律,僱傭兵係犯法,果啲實際上係俄國正規軍人)喺敘利亞被美國人炸死,俄國一直唔想認有地面軍事介入,依家真係有人死咗,普京仲唔出聲,佢就被俄國民族主義分子吞噬,俄國唔可能幫中國。全世界圍抽中國形勢越嚟越明顯,香港更肯定係戰場。但如果香港企喺中國嘅一邊,我都幾肯定渣都無。

發表迴響

你的電子郵件位址並不會被公開。 必要欄位標記為 *