屈穎妍-min

屈穎妍 就嚟便秘都賴佔中背後嘅心理變態

屈穎妍 啲言論黐孖筋一早知,只不過連巴士車禍都賴佔中,就已經係黐線嘅地步。只不過,大家留意港人講地對林鄭月娥取消年初二煙花嘅言論,再比照一吓,其實 屈穎妍 又好,港人講地又好,甚至香討、Baby Kingdom啲膠人都好,都充斥住一班take咗嘢嘅友仔,每日少一啲「正能量」都少嘅「正能樣」。

屈穎妍 服務果啲睇文take嘢嘅友仔

其實呢次林鄭月娥做取消年初二煙花決定,只不過做番佢做社署署長果陣果啲基本政治化粧功夫,理論上,班親共人士要讚好至好,要講到皇恩浩蕩。但點解最後港人講地班友連林鄭月娥都反埋, 屈穎妍 要將巴士車禍都賴佔中,就嚟佢地集體便秘都賴佔中,其實我之前喺星期日休息嘅文都講過,依家中國係一個take嘢民族,德國喺威瑪共和國期間為治療一次大戰無喇喇輸咗嘅創傷,搞到全民take嘢,而香港一直無乜出路,梁振英為咗反佔中,將近乎take嘢果套民族主義攞去灌輸,結果大家見到港人講地,每日都要不停講啲「香港嘅好消息」、「政府嘅好消息」同埋「敵人嘅醜惡」嚟「振奮人心」,一班喺facebook take嘢take咗咁耐嘅人,眼見年初二放煙花大好打飛機良機竟然咁樣無咗,成班友梗係好鬼失落,所以佢地嘅心理變態真面目就浮咗上水。大家知道,當take完嘢斷片,啲道友個款,你就明點解 屈穎妍 寫埋啲黐線嘢,同埋點解港人講地啲友仔,點解可以留啲comment無人性到呢個層次,因為呢班友喺政治世界度take緊嘢都唔知,仲以為自己好英。一如點解拜耳將海洛英(二乙醯嗎啡,即係白粉)改名做Heroin,其實得名自德文heroisch,即係食完有英雄嘅感覺,咁大家知乜嘢事喇。

香港周圍有一班當政治係神拜嘅友仔,呢種情況係好危險,由 屈穎妍,港人講地到青山城邦派,周圍都係一班尋求快感,不問是非嘅狂熱信徒,喺黑船再度嚟臨香港嘅時候,我真係唔知之後有乜事會發生。但呢種心理變態,唔比情緒不穩嘅巴士乘客同司機嚟得安全就係,香港簡直變成一個take嘢之城。

發表迴響

你的電子郵件位址並不會被公開。 必要欄位標記為 *