第三者保險-min

巴士嘅 第三者保險 問題

九巴大車禍似乎越嚟越多問題爆出嚟,雖然我都想講梁粉心理變態,但九巴嘅 第三者保險 問題一定要講,之前班的士佬鬧Uber無買 第三者保險 ,但依家發現九巴竟然有特權唔駛買 第三者保險 ,呢個問題係十分之嚴重,我認為需要探討一下。

九巴 豁免買第三者保險嘅原因

理論上,九巴係買唔到 第三者保險 ,點解呢,因為雙層巴士出現企位,當中嘅保險問題係搞唔掂嘅。一般嚟講,巴士公司會自己組成保險部或大股東提供保險,根據載通國際2016年11月2日嘅公布

http://www.irasia.com/listco/hk/transport/announcement/a166764-c_announcement(4183).pdf

本集團於 2016 年 11 月 2 日與保險商新鴻基地產保險簽訂多份保單。該等保單 所涵蓋或將涵蓋的保險種類包括:
i) 汽車第三者及乘客責任保險和僱員賠償保險,由 2017 年 1 月 1 日起至 2018 年 12 月 31 日止生效,共 24 個月;及
ii) 董事及高級職員責任及公司補償保險,由 2017 年 1 月 1 日起至 2018 年 6 月 30 日止生效,共 18 個月(統稱「2017/18 保險安排」)。

所以簡單嚟講,新鴻基地產保險係承受晒呢單嘢,理論上,就係自己保自己。陳健波作為一個保險界嘅立法會議員,竟然唔識講九巴嘅保險安全係乜,我心諗,你條友一係尸位素餐,一係陳健波自己間慕尼黑再保險,好可能係新鴻基地產保險其中一間再保險公司,我諗陳健波應該交代一下,究竟新鴻基地產保險係咪慕尼黑再保險嘅客好過喇。

當然,我相信新鴻基地產保險係有買再保險,但再保險公司會唔會找數,呢點我十分之懷疑,因為呢次大車禍,問題喺個司機度,而九巴作為僱主請一個曾經有前科嘅司機做兼職司機,跟住新鴻基地產保險實際係九巴嘅大股東,咁再保險公司會唔會因呢件事而找數,我個人嘅認知,我就有所懷疑,因為再保險公司都唔係食齋,我諗九巴以及新鴻基地產保險,最好交代一吓呢單車禍嘅 第三者保險 ,以及一旦再保險公司唔找數果陣,新鴻基自己會點。

發表迴響

你的電子郵件位址並不會被公開。 必要欄位標記為 *