海航-min

海航 終需賣地王

海航 喺農曆新年前,始終要賣走啟德地王,呢件事表面上,恆基兆業接火棒,兼且係買貴地,因為帳目上,海航係賺咗少少(未計利息成本),但實際上呢件事好可能係黑天鵝事件,香港華資地產商根本唔駛再驚中國地產商來犯。

海航 只係空心老倌

相信呢次恆基兆業肯接貨,係當接一個國家任務咁接,喺處理政治任務上,恆基一向比新鴻基進取好多,但呢次我咁睇,我會當 海航 喺啟德地皮敗走,視為同第二次長州征討失敗一樣嘅戰略性失敗。喺以往,中國政府一定搵晒啲自己嘅銀行去支持件事,由中信銀行果兩百億人仔貸款,大家都睇到係走緊呢個方向,而喺香港要完全由中國各方面控制嘅今日, 海航 啟德地皮更加係不容有失至係。就算唔搵中資銀行,都搵中國海外,中信接 海航 嘅貨,但都無咁做,證明中國嘅銀彈已經搬得七七八八,所謂國家級企業,根本係充撐唔到啟德地皮呢個場面,最後都係要向香港地產大財團求助,塊地最終落入恆基之手。

當年香港華資公司都係喺匯豐銀行支持下,陸續將英資財團嘅江山一個接一個接落嚟。但實情係,中國根本無水,係真正嘅空心老倌,無錯,接貨仍然係一個同中國友善嘅財團,但實際上,只不過係體面撤退,共產黨無法全面經濟控制香港,因為香港地產商有係銀彈,實際有事果陣,中國係有求於香港。至少喺地產呢個層面,中國財團應該唔敢好似以往咁寸,香港財團再成為統戰對象就實係。

但香港財團係唔係共產黨都有求必應,恆基兆業喺政治判斷上,一向無郭家醒,更唔好講李家,所以恆基李家仲會聽中國講吓,大家見到 海航 出事,新鴻基係無救過,我相信新地嘅立場好清楚,李嘉誠更加唔駛講,直頭全速向歐洲撤退,香港商人係唔係有必要再買共產黨怕。所謂大灣區,一帶一路全部都係昆錢,大家睇到,香港地產商其實無乜積極反應,係泛民仲有傻佬認為要去睇吓咁。香港同中國嘅勢其實係對調緊,只不過一直無明顯跡象,呢次 海航 啟德地王事件,就將事情睇得十分清楚,如果香港仲有港奸話中國幾掂幾掂,叫呢啲友仔睇吓 海航 發生乜事。

發表迴響

你的電子郵件位址並不會被公開。 必要欄位標記為 *