人肉路障-min

人肉路障 嘅保險問題唔該講清楚先

啲黑警以為玩 人肉路障 係會無事,梗係唔係喇,依家雖然無死人,受傷醫療費部分,唔係警隊孭都係暴力及執法傷亡賠償基金俾,但新車落地十八日就搞到total loss,呢單嘢,我睇怕都十分之襟計,政府應該孭晒成架車買過嘅費用。

人肉路障 唔係act of god

如果呢單嘢係警匪槍戰,子彈無眼無得避,咁都好少少,一係保險有得賠,一係政府必須要賠,但大家理解到嘅,警匪槍戰會點打,啲子彈點飛一向都係Act of God嚟。但呢鋪唔係,你個白痴交通警搵個無辜市民做 人肉路障 ,通常呢, 人肉路障 ,人肉盾牌呢啲黐孖筋嘢,都係伊斯蘭國,拉登組織呢啲黐線組織搞,一個地方嘅執法機關一而再,再而三玩呢啲十分之罕見,香港警察係咪想同大家講,香港警隊其實係恐怖組織嚟,大家見到警察要小心,交通警隨時攞你嚟做人質都唔知。 人肉路障 嘅本質,我諗唔駛我畫公仔畫出腸。

以香港保險公司嘅縮骨性格,佢地一定老虎都唔賠,正常嚟講,保險公司亦無理由要就政府嘅白痴行為承擔責任,你話其他意外賭輸咗就話,呢啲警察奇怪嘅拉登式指令,要保險公司代政府找數都於理不合,但如果果位司機有供車會,要為架廢鐵供車會都十分之唔合理,所以呢件事,點講都好,政府唔該講清楚邊個賠水先,唔好依家個犯就未審先死,你班友就詐詐諦諦唔找數。

其實呢件事,最好攞盧偉聰嘅人工嚟找數,雖然 人肉路障 呢樣仆街到無朋友嘅嘢,係鄧竟成年代已經有,但 人肉路障 呢單嘢之所以出現,因為香港警隊無保住彭定康年代,跟番英國同歐洲警隊果種服務為本文化,做政權維穩機器就乜都得,唔知警隊嘅本分,其實警隊就係唔應該攞自己嘅client安全靠飛,為求捉賊不擇手段,呢個就係最簡單嘅常識,但依家做警察,唔係以為自己演緊警匪片,就係以為自己做嘢好X正義,可以唔理法律,唔理路人安全任意妄為,呢啲又係暗角七警,朱經緯果啲錯誤思想嘅延伸,而警隊高層唔駛為呢啲劣質文化問責,一啲都唔合理,所以攞盧偉聰份糧嚟賠俾受影響市民,合情合理,納稅人嘅錢唔應該攞嚟幫仆街冚數。

發表迴響

你的電子郵件位址並不會被公開。 必要欄位標記為 *