王桂壎-min

王桂壎 辭去通訊局主席插鄭若驊一刀

香港呢幾日果然十分之多事,九巴大車禍都未搞完,通訊辦主席 王桂壎 律師,突然話自己有揸中移動股票無申報,因為股票已經沽咗,無法補救,所以立即辭去通訊辦主席嘅職務。 王桂壎 嘅做法大致正確,因為呢個係觀感問題。但 王桂壎 呢刀插入嚟,就令鄭若驊嘅位置十分之尷尬。

王桂壎 用行動迫鄭若驊宮

喺 王桂壎 處理中移動香港突然斷網事件嘅表現,大致上公正持平,所以如果唔係 王桂壎 自己攞出嚟,無人會知道佢揸中移動嘅股票,但佢都攞出嚟並立即辭職,你依家鄭若驊堅持做律政司司長就變得十分之不恰當。當然, 王桂壎 照計唔會唔知自己揸緊乜嘢股票,炒股票嘅人,點會唔知自己買咗乜股票,你揸強積金唔知自己揸緊乜就話唔出奇啫。只不過,至少 王桂壎 知道呢個做法係有問題,做得通訊辦主席,上任前就係要沽清所有電訊公司同電視台嘅股票,以示公允,所以一個睇起嚟唔算十分之大嘅錯誤, 王桂壎 都係選擇辭職,呢件事上, 王桂壎 係保持一個公眾好印象,加上佢通訊辦主席期間,無點犯過令人譁然嘅大錯,至少個朵唔會太臭先。

依家鄭若驊相比就好大鑊,同樣做過香港國際仲裁中心嘅人,點解 王桂壎 二話不說立即辭職,相反,鄭若驊涉及刑事仍然唔肯辭職,而律政司司長始終係刑事檢控嘅最終負責人,咁你叫律政司成個部門點用落去,仲要 王桂壎 講果句,規矩就係規矩,依家潛台詞就係鄭若驊無規無矩,無規無矩嘅人做律政司司長,咁仲成世界嘅,依家鄭若驊堅持做落去,而林鄭月娥仲堅持死攬嘅話,就會變得十分之厚顏無恥,咁政府同律政司仲點管落去。

當然,我相信鄭若驊會繼續無動於衷,大家留意一樣嘢,依家中共喺香港係行人無恥則無敵,呢個好明顯反映中共紅衛兵一代果套生存之道,好多人喺文革僥存都係因為徹底放棄廉恥之心,有啲尊嚴同廉恥之心都已經會選擇自殺或者黐咗線,可以講由蒙古人入侵南宋開始果種逆淘汰遺害之大,根本無停過。所以要解決鄭若驊問題,係唔係要搞到製造統治危機,至能夠解決呢,呢個大家可以去認真思考一下,但 王桂壎 已經做咗佢可以做嘅事。

One thought on “王桂壎 辭去通訊局主席插鄭若驊一刀

  1. 調番轉頭,你可以話王生比較聰明。可能佢知道自己呢單野畀人發現左,為免變箭靶就乾脆主動辭職。反正留得青山在,第日政府又會搵佢做第二樣野啫。

發表迴響

你的電子郵件位址並不會被公開。 必要欄位標記為 *