TVB-min-2

TVB 可以有幾無恥

TVB 喺九巴大車禍嘅無賴做新聞手法,引起公憤,包括好多無鬧 TVB 係 CCTVB 嘅人,只不過,有人將蘋果日報針對 TVB 無恥手法嘅報導俾 TVB Facebook果陣, TVB 大口氣到話蘋果為攞收視抹黑佢地,我覺得呢個言論無恥到極點,呢個台應該立即執咗佢,簡直同中央電視台嘅無恥作風有得揮。

TVB 草菅人命手法至係問題

首先,攞收視從來唔係問題, TVB 幾時變咗公共廣播機構,定係靠迫人睇佢壯大,同共產黨果啲仆街電視台一X樣。蘋果嘅報導係合符事實,佢用嚟攞收視有乜問題,如果 TVB 肯放棄無恥作風,報番啲講人話嘅新聞,拍少啲白痴電視劇,一樣可以攞到收視,係你呢啲黨媒長期當觀眾係傻。

蘋果記者唔係抹黑,廖卓怡嘅無恥行為被發現,係啲人睇PCCW NOW直播發現,蘋果都係翻炒網民嘅發現而已。 TVB 咁大口氣,不如話PCCW NOW新聞部抹黑算喇,證明喺呢件事上,TVB成間電視台都完全無悔改或向公眾道歉嘅意圖,覺得自己係大台,就可以草菅人命乜都得,呢種作風,係比廖卓怡喺現場要求消防人員俾三分鐘時間呢件事更加之過份同冷血,令我十分之想知道,究竟TVB果位當值Facebook管理人,以及佢上司係乜水嚟,點解呢啲嘢都可以講得出嚟,而完全面不改容。乜呢條友覺得,香港網民唔會進行一啲符合公眾利益嘅screen capture㗎。

TVB呢件事一定唔會認錯,我諗大規模杯葛TVB嘅行動係必要,除咗退晒MyTV嘅機頂盒外,係要有更多行動,例如TVB記者戶外出live果陣,全部都搵人喺後面抗議,等佢地唔駛做戶外採訪好,反正呢班記者冷血成咁,特別係廖卓怡嘅採訪,大家應該喺廖小姐做扒果陣問清楚佢,點解佢夠薑要求消防人員遲三分鐘,呢件事絕對唔可以放過TVB新聞部。

當然,TVB可以刪去抗議內容,因為根據現行《電視通用業務守則-節目標準》

電視攝影隊的出現若激發某些人借意生事,新聞編輯和節目製作人應盡一切努力,刪去該刻意「製造」的事件,又 或把實況原原本本報道。

我唔知點解通訊局攞正牌俾TVB可以走得甩,特別《電視通用業務守則-節目標準》無監管草菅人命嘅採訪手法,公眾根本投訴無從。但公眾喺TVB新聞直播果陣抗議,袁志偉可以奉旨刪走,我想通訊辦解釋一吓呢條係唔係照顧緊TVB。

發表迴響

你的電子郵件位址並不會被公開。 必要欄位標記為 *