人肉沙包-min

黑警玩 人肉沙包 玩到幾時

2009年,觀塘繞道黑警攞市民嘅車連命當人肉沙包,搞到炒車收場,果次香港警察已經被人鬧爆,果陣都未有乜嘢佔中,九年後,黑警喺粉嶺公路玩得更過份,截停市民車輛,連埋司機條命,去擋毒販嘅跳灰車,簡直係黐線之最。

警方玩 人肉沙包 根本係唔應該

追非法賽車攞唔知情市民做 人肉沙包 ,呢件事根本已經係黐線,只不過,照計非法賽車都係會停嘅,我估2009年果鋪,之前已經發生過好多次,只不過果次班飛車黨架車炒咗,失控,咪成件事揚咗出去。

但呢次粉嶺公路捉乜人,捉跳灰車呀,呢啲車上嘅毒品,往往以幾百克計,根據現行量刑指引,至少判坐十年,如果啲毒品多到成公斤咁計,廿幾碌就走唔甩,班毒販唔同你搏命就奇喇,反正捉到又死,唔捉到都死,幾大都搏一鋪,所以呢啲毒販絕對係亡命之徒,依家黑警on9攞啲市民嚟擋毒販,呢班友係傻X咗,定係點呢?呢件事完全只能用草菅人命嚟形容,依家成架炮彈飛車,好彩死果兩件都係毒販,如果死果件係市民點算。都未計無啦啦要新年入醫院瞓,同埋架車total loss。仲有咁撞法,唔有心理陰影就奇喇,呢啲損失啲黑警又賠唔賠。

依家唔係拍成龍警察故事,唔可以咁亂嚟,我本來已經唔贊成喺高速公路搞路障捉賊,如果要捉,唔該call政府飛行服務隊空中支援,跟住,要玩路障,一係問個市民制唔制,一係你緊急支援總部喺,搵架就劏嘅衝鋒車做路障,有乜事由警方自己孭起佢,依家市民唔知情下俾你黑警攞條命連車咁賭,依家全職賭撚二世呀,全職賭撚二世就真係攞埋親友身上啲器官攞去賭,依家黑警賭品仲衰過賭撚,我覺得完全只能用黐線嚟形容,點解香港可以膠到呢個點。

香港警察係應該向市民交代,立法會議員都應該向警方同保安局追殺呢件事,唔可以就咁算數,否則日後司機都唔知好唔好聽交通警指揮停車,唔聽指揮係犯法,但聽指揮可能架車total loss或者無命,你覺得市民應該點選擇,依家揸車都要玩俄羅斯輪盤,依家究竟香港仲係唔係一個適合正常人類生活嘅城市嚟㗎?

發表迴響

你的電子郵件位址並不會被公開。 必要欄位標記為 *