南方周末-min

南方周末 都報唔到海航黑幕

由於九巴大車禍,我抽咗四篇篇幅評論巴士大車禍,但有單嘢,香港人都要留意,又係同支爆有關。 南方周末 一篇海航危機史嘅稿,突然被抽,兼且搞到 南方周末 高層被炒,但負責果位記者做賭撚將篇報導放出街,依家隨時唔知點收科。

南方周末 篇稿揭示嘅問題

南方周末 篇《海航危機史》嘅報導,如果撇除果啲中共式廢話嘅水分,其實係一篇好值得睇嘅稿,簡單嚟講,海航同中國好多公司一樣,係空手道公司,靠借上借加槓桿效應無限發大。之前資產得果十幾億,或百億貨仔,咁你爆咗咪爆囉,唔會有大事發生,但依家資產講緊成萬億果陣,一係too big to fail,一係爆咗都死傷慘重。所以 南方周末 果篇文話唔係雷曼,我覺得已經係就住寫,佢根本就係中國版雷曼。

南方周末 嘅引言,其實已經好簡單話俾大家聽,海航集團係支爆嘅導火線,所以呢個中國共產黨宣傳部門一定要篇稿下架嘅原因

以「負債式收購」模式迅速擴張資產負債表的海航們,實質上是以信貸膨脹所推動的資產價格增值,掩蓋了企業擴張過程中的種種問題。在讓資本市場買單的同時,創造出一個個「不敗神話」。

依家係信貸收縮,所以一爆就死傷慘重,大家明點解,而且唔只海航一間係用呢個「商業模式」運作,所以我睇完篇文,對中國嘅情況,係更加之悲觀。

當然,呢次 南方周末 撤稿手法好奇怪,雖然中宣部阻止,但喺中國網上可以自由睇到呢篇稿,所以我好懷疑中共有高層授意,同保證記者安全嘅情況下,俾呢篇稿周圍走,而中國啲互聯網公司完全阻止唔到呢篇文走,即係中國出現極嚴重權鬥,十九大嘅權鬥根本未完,甚至檯底下更激烈,好似《希魔撞正殺人狂》喺酒啤,果啲偽裝黨衛軍嘅美軍,同正牌黨衛軍大家講德文,喺酒吧檯底下互指春袋果一幕。當然,最後果幕係點,睇慣昆奴塔倫天奴嘅片嘅人,或者熟港產片嘅人,都知結果,就係成個酒吧啲人死X晒,而呢個亦將會係一旦海航觸發支爆可能嘅結果,就係成棚中國人互指對方春袋,跟住開槍,咁跟住有乜事發生,大家自己慢慢諗喇,中國呢個國家仲膠過港產片。

發表迴響

你的電子郵件位址並不會被公開。 必要欄位標記為 *