新年煙花-min

今年 新年煙花 應該取消

喺新年前大埔公路發生大車禍,BBC World News Europe、ARD Tagesschau.de都大篇幅報導,呢單嘢大鑊過十一海難,有一個問題就係今年 新年煙花 仲放唔放。我嘅睇法係,今年 新年煙花 應該取消。

取消 新年煙花 係白事問題

取消 新年煙花 理由好簡單,呢個係白事,新年出現咁嚴重嘅白事,政府就唔好咁鋪張慶祝新年,呢個係基本社會氣氛問題。如果要就遊客,特別中國遊客而去堅持 新年煙花 ,呢個係傷口上灑鹽。而且今年 新年煙花 嘅贊助商係其士集團,唔係啲中國土豪公司,佢地應該比較知道香港社會傳統上對紅白事嘅忌諱,未必會反對政府取消 新年煙花 嘅安排。最多 新年煙花 嘅贊助,可以順延至今年香港其他煙花慶典。雖然我個人對七一煙花同十一煙花都認為係篤眼篤鼻,應該取消,香港除咗農曆新年,係得元旦,以及1月26日香港立國日適合放煙花。

其實香港政府應該睇到民情,好簡單咁決定到, 新年煙花 應唔應該取消,如果政府仍然堅持要放嘅話,證明呢個政府涼薄冷血,其實同CCTVB嘅記者一啲分別都無,甚至可以咁講,凡係中共黨嘅人,都會有黨性無人性,咁日後親共分子再攞乜嘢人性,同情心嚟大人,大家可以ignore呢啲仆街,大家要記住,呢次九巴車禍係同政治無乜關係。

而且呢次國際社會好關注呢單新聞(簡單嚟講,香港喺歐洲新聞嘅注目度已經大為提升,大家諗點解。),除咗我頭段講嘅BBC World News Europe或ARD Tagesschau.de,甚至連相對少國際新聞嘅ZDF,或者一大堆你未聽過嘅傳媒,都報呢單大慘劇,詳情見膠事錄喺Medium嘅整理(for Medium Paid member only)

https://medium.com/@jeromyu/大埔車禍肇事疑似巴膠-一撞成名-登上大量黃gif都上唔到嘅國際媒體-a089b6244651

所以全世界都睇緊,你呢個香港政府,究竟係點回應成件事,喺依家呢個年代,你個政府膠少少都會被全世界睇到。

發表迴響

你的電子郵件位址並不會被公開。 必要欄位標記為 *