陳澍

陳澍 呢個人嘅背景管 Facebook 點可能接受

陳澍 呢條友嘅背景被台灣方面質疑後,先有兩個口脗同陳生一樣嘅香港Social Media界懵丙挑我機,跟住有人報料,我睇完之後,當堂明晒呢個喺SCMP果陣筆名滬港小生嘅友仔嘅背景,呢個人管Facebook香港同台灣嘅公共政策部門係絕不可以接受。呢件事,我一定向我有嘅渠道報告。

陳澍 老豆做過毛澤東紀錄片嘅攝影師

陳澍 嘅老豆唔係一般人,佢曾經做過毛澤東紀錄片嘅攝影師,對讀中共黨史嘅人嚟講,見呢啲人嘅背景係一定抱持極大懷疑態度,因為呢啲係紅二代,大部分人都係極權嘅受惠者,只會效忠共產黨,絕對唔會走喺捍衛言論自由嘅最前線,至少呢位 陳澍 我絕對唔相信呢個人會企喺言論自由呢一邊,Facebook叫呢條友管台灣同香港兩地公共政策部門,呢件事如果俾國會議員知道,一定好X大件事,大家都知Trump以至歐洲嘅政府,其實都唔係太鍾意Facebook呢間公司。

所以我嘅立場係十分之清楚,Facebook唔可以攞香港同台灣人嘅言論自由作為做生意本錢,香港人同台灣人都唔應該坐以待斃。呢件事係一定要嘈到西方傳媒聽到為止,等Facebook自己向全世界交代大中華地區嘅管理政策係點。特別點解五毛呢種fake news maker可以長期喺Facebook搵食,依家大家就明點解,一如維基中文變垃圾崗,都係由一件叫百無一用是書生嘅人開始。

當然,唔可以等Facebook改變政策,如果香港人,你符合以下條件,應該開始將你嘅戶口搬到英國或歐盟。

  1. 持有歐盟護照,包括BNO
  2. 以英國、歐盟嘅電話號碼作SMS認證用途
  3. 長期使用歐盟IP上Facebook
  4. 如果你係藍剔用戶,應該用歐盟護照做認證,唔好用香港身份證,用香港身份證一定係搵自己笨
  5. 如果你係Facebook Audience Network成員,唔該用英國National Insurance,或者歐盟國家稅務號碼/社會保障號碼登記,寧願要交重啲稅都要言論自由,有歐盟VAT ID係最好嘅

果然係一個賊多嘅年代,大家都係小心為上。

發表迴響

你的電子郵件位址並不會被公開。 必要欄位標記為 *