海航-min

海航 吊鹽水小心吊到堅支爆

海航 果百幾億資金缺口,依家有答案邊個泵水,梗係中國中央政府,中信銀行泵200億人仔credit line,基本上,呢200億人仔應該攞去債冚債,避免 海航 喺農曆新年期間出現債務違約,只不過,咁吊鹽水法,小心吊到支爆。

海航 明顯拖晒全中國落水

我之前都分析過, 海航 依家啲債多到海南島成個島賣鬼晒都唔會冚得掂,所以中國要避免 海航 引爆炸彈,只有中央政府自己出手救,但國開行似乎都credit line唔夠救 海航 ,所以至拖埋中信落水,我相信咁搞落去,有可能將 海航 撥入中信系裡面,用中信龐大嘅資產值,去托住 海航 ,特別要避免賣果啲喺中國政府眼中具戰略價值嘅資產,例如德意志銀行嘅股權,或者Swissport嘅股權,畢竟中國有可能要用呢啲公司做啲佢地想做嘅嘢。

只不過, 海航 嘅債務根本係無底深潭,仲未計各地地方政府財政惡化,唔通個個又係咁樣由中央政府救,一個係咁,兩個係咁, 海航 出事拖晒全中國落水應該係遲早問題,惡性通脹風險下人民幣唔跌就出奇,所以人仔突然暴瀉,應該有人收到內幕消失事先沽咗手上人仔先講。

喺農曆新年,應該 海航 啲班次係正常,只不過, 海航 危機唔似會有解決跡象,相反,中國係將自己啲國有資產攞埋入去賭,咁搞法我睇係會出事。如果你係香港中信銀行(國際)嘅存戶,應該考慮一下轉唔轉銀行,當然我唔會話間銀行即刻有問題,如果唔係太大金額當current account咁用,都唔會太傷,但如果你有定期之類嘅存款,而果筆存款係長期嘅話,你應該諗清楚,因為 海航 依家話借200億credit line,你唔知之後佢會借幾大嘅credit line出嚟,屆時有乜冬瓜豆腐無所謂搞到自己上埋身。

仲有一樣嘢,如果依家中信都攞出嚟救,會唔會有其他直屬中央嘅國有銀行都要「支持」 海航 ,呢個堅係十分之大嘅疑問,都係果句,依家香港人要小心自己嘅存款,都係果句,如果可以存錢喺海外,就存錢喺海外,依家中國政府根本係瘋狂,咁攞啲人民同存戶嘅資產咁靠飛,你唔驚。

One thought on “海航 吊鹽水小心吊到堅支爆

發表迴響

你的電子郵件位址並不會被公開。 必要欄位標記為 *