流感疫苗-min

流感疫苗 係一場賭博

謝安琪針對 流感疫苗 嘅言論,固然係一場鬧劇,只不過,現時世衛組織對 流感疫苗 嘅主導,亦都係一場賭博。當然,唔係一場會賭命嘅賭搏,但如果世衛組織嘅專家估錯咗,後果其實一樣係頗為嚴重,呢一點係值得公眾注意同討論。

流感疫苗 嘅賭博

流感病毒n咁多種,而且多變,由於呢種複雜性,喺未有乜流感都可以預防嘅萬能疫苗之前,依家世衛組織係每年推測會有邊三種流感大流行,然後各藥廠照世衛嘅單去製造疫苗,所以無論係Sanofi、GSK定美國Seqirus都係照世衛當年嘅建議執,如果估得中,人人打疫苗梗係天下太平,但如果估唔中,啲人以為自己打咗 流感疫苗 就天下無敵,無留意預防,呢種鬆懈就真係害人不淺,因為好多人以為 流感疫苗 真係乜都得。

所以 流感疫苗 你話駛唔駛打,我一定話要打,因為減少中招機會始終係要嘅,我都係果句,流感病毒n咁多種,你打咗疫苗,對幾種有免疫少咗中招機會已經好好,但如果話打咗就唔怕流感,呢個又係錯到離晒大譜嘅講法,呢個仲未計,中國唔知乜時候,出現一啲離奇古怪嘅流感。依家世衛組織總幹事唔再係食雞珍,但食雞珍主政期間,有無同中國共產黨合埋隱暪一啲傳染病病情,講真,我唔知嘞。況且依家世衛總幹事係嚟自埃塞俄比亞,中國會唔會用非洲國家嚟控制世衛,真係堅難講囉。所以打 流感疫苗 要做,但防禦流感嘅基本措施,係唔可以因疫苗而鬆懈,因為基本上,世衛啲專家係可以估唔中,估唔中可以係科學原因,但亦可以係政治原因,中國一帶一路呢樣嘢,係絕對可以害死人。

仲有一個課題,其實香港好多人無迫中國做好呢件事,如果中國肯做就功德無量,聯合國糧農組織係建議喺豬同家禽身上打 流感疫苗 ,我認為呢樣嘢係必須要做,因為每次流感變種,包括1918年死得人多果次,其實都係同中國人有關,農業係禽類流感傳入哺乳類動物嘅關鍵因素,點解中國一直以嚟都唔肯大規模做呢件事呢?我可以講,根治流感可能係要治好中國人先,呢個簡直係人類有史以嚟最大嘅挑戰,我諗唔到乜嘢可行出路。

發表迴響

你的電子郵件位址並不會被公開。 必要欄位標記為 *