制服團體-min

制服團體 點操關統監府叉事

一直以嚟,香港嘅 制服團體 遵循英式傳統,用英式步操,內容亦少涉及政治灌輸,所以 制服團體 至今仍然保持住某程度上嘅公信力,只不過,依家中聯辦,即係香港統監府,做嘢做到離晒大譜,依家想香港 制服團體 做少先隊一類工具,國民教育呢啲仆街嘢果然陰謀不散。

制服團體 唔應該變成洗腦機器

制服團體 雖然講求紀律,只不過,香港嘅 制服團體 都有政治中立,服務社會嘅傳統,呢個係同西方國家嘅軍隊一脈相承,亦因為咁,喺極權國家係禁止童軍活動,好似德國,希特拉條仆街上台之後,童軍運動全部禁止,迫人入希特拉青年團,1945年納粹德國玩完後,英、法、美佔領區恢復童軍活動,但喺蘇聯佔領區,亦即後嚟嘅東德,係一直禁止直至1990年兩德統一前夕為止。所以,我十分之懷疑 制服團體 如果呢次唔就範,一係陳振彬呢啲人渣設法控制男女童軍總會以及各 制服團體 ,一係就係禁止 制服團體 出現,變成非法組織。由於中國本土無 制服團體 ,所以我十分之相信,最後嘅結果就係香港男女童軍總會被取締,或者完全變質,屆時想參加童軍只能返英國,或去加拿大。

所以呢件事,香港各 制服團體 嘅成員,唔可以就咁算數,王志民呢條仆街嘅做法,又一次越過晒所有紅線,一係請呢條仆街收手,如果佢唔收手,我建議有兩個玩法:

1. 有部分有同海外有聯繫嘅制服團體,特別係男女童軍,不如去信海外嘅總會,主動切斷呢啲會同香港之間嘅聯繫,費時俾中國共產黨乘機玩滲透,或者做政治工具。而現有成員,就同英國以及台灣童軍總會、女童軍總會或紅十字會洽商,喺英國童軍總會、或女童軍總會、或紅十字會旗下設立特別香港支部,容納呢班「流亡」會員。由於台灣紅十字會係A貨嚟,所以應該只有英國紅十字會可以揀。

2. 成班 制服團體 新舊會員,著住制服,步操去中聯辦門口,要求王志民交代,同道歉。我諗十幾萬人操兵咁操過去,一定變大新聞。

所以都係果句,如果香港唔脫離中國統治,喺中國共產黨呢班仆街管治之下,香港唔會有嘢正常,堅係只有移民,或者請英國人返嚟至可能有機會回復番1997年前嘅正常生活。對一個研究納粹德國史,住喺德國嘅人,呢件事真係太敏感。

發表迴響

你的電子郵件位址並不會被公開。 必要欄位標記為 *