謝安琪

謝安琪 Whatsapp 聲帶嘅外流問題

謝安琪 私底嘅Whatsapp言論,固然係十分之無知,只不過, 謝安琪 Whatsapp 聲帶咁樣周街傳,其實亦反映香港人有一個問題,就係真正嘅言論自由,例如集會自由唔去捍衛,但一啲惡意言論嘅作為,都竟然認為係自由。

謝安琪 聲帶根本不應流出

首先, 謝安琪 私底下喺Whatsapp講乜,係她嘅通訊自由,亦係佢嘅私隱,有乜公共性可言,點解要俾人攞嚟周圍傳,成件事荒謬絕倫,都未計當中其實係有版權,簡直嚟講,傳聲帶果個人,不論出於善意定惡意,都係明顯嘅侵權行為,所以 謝安琪 嘅content抵鬧,但傳聲帶行為本身,亦唔係乜嘢英雄所為。我capture陳澍同我messenger對話,都係因為有可能要用嚟作法律,或輿論戰用途,你會唔會見我無喇喇攞啲私人對話出嚟耀武揚威?

香港近十幾年網上文化,有一樣十分之惡性嘅一面,就係以為Screen Capture係大晒,攞人地啲私人對話出嚟恥笑係大晒,將一啲無公共性嘅議題,用言論自由做包裝,實際上,唔係攞嚟批鬥人,就係用嚟抹黑自已唔順眼嘅人,仲要好多人匿名行為而唔打算為自已嘅言論負起任何責任,呢個亦係到今日,我仍然認為網典好多內容根本係唔應該存在,有人玩惡意screen capture我絕對唔會猶疑引用我可以用嘅法律工具,清理問題。我們成日鬧共產黨紅衛兵或五毛手段無恥,唔通呢個係justify你用同一種手法,更何況我懷疑有啲人係扮民主派支持者嘅五毛,熱普城呢啲友仔嘅本質大家仲未見識過咩。

要網絡有一個健康環境,唔好俾五毛搞到變垃圾場,有一種自律係好重要,就係如果件事無公共性,就唔該吓吓起人底,起五毛底、起梁振英底、起林鄭月娥底,無問題,但如果有啲起底行為純粹係食花生需要,咁你應該諗呢啲花生好唔好食。

仲有一樣嘢,匿名言論,係應該保護有公眾利益討論之用,如果一啲政策倡議之類仲玩匿名,仲要果樣嘢實際係危害公眾,我只會認定呢啲濫用匿名嘅粉腸根本係五毛,呢個世界咁多fake news,有時都要多謝有人濫用匿名機制。

One thought on “謝安琪 Whatsapp 聲帶嘅外流問題

  1. 叫人唔好打針,其實係會危害公眾。
    當然呢個私下發言既嚴重程度係咪去到「公開先係正確」既級數就的確可以商榷。

發表迴響

你的電子郵件位址並不會被公開。 必要欄位標記為 *